தாய் தந்தையர் ஆகப்போகும் சினேகன் கன்னிகா தம்பதி...!

தனது பாடல்வரிகளைக் கேட்டு ரசிகையாகி, பட வாய்ப்புக் கேட்டு வந்த கன்னிகாவை காதலித்துத் திருமணம் செய்துகொண்டார் பாடலாசிரியர் சினேகன்.

சினேகன் பிக் பாஸ் தமிழ் சீசன் 1 நிகழ்ச்சியில் இருக்கும் போது தான் ஒரு பெண்ணை பல வருடங்களாக காதலித்து வருவதாக சொல்லி இருந்தார்.

இருவீட்டாரின் வாழ்த்துகளுடன் ஜூலை 29ம் தேதி 2021ம் ஆண்டு காதலித்தப் பெண்ணையே கரம் பிடித்தார் சினேகன்.

இதையடுத்து ஜாலியாக இன்ஸ்டாகிராம், யூடியூப் சமூகவலைதளங்களில் காணொலிகள் பதிவிட்டு க்யூட் காதல் ஜோடிகளாக வளம் வந்தனர் இருவரும்.

இந்நிலையில் தற்போது, "நாங்க அப்பா அம்மா ஆகப்போறோம்.. உங்கள் எல்லோருடைய அன்பும் வாழ்த்தும் வேண்டும்" என்ற நற்செய்தியை தங்களது இன்ஸ்டாகிராம் பக்கத்தில் பதிவிட்டுள்ளனர்.

பிரபலங்கள், நெட்டிசன்கள் எனப் பலரும் இவர்களுக்குத் தங்களது வாழ்த்துகளைத் தெரிவித்தனர்.

பாடலாசியராக இருந்த சினேகனை குறிப்பிட்ட சிலர் மட்டுமே தெரிந்து வைத்து இருந்த நிலையில், அவர் பிக் பாஸ் நிகழ்ச்சிக்கு சென்று வந்த பின், அனைவராலும் அறியப்பட்ட பிரபலமானார்.