மதுரை சித்திரை பெருவிழா: 6 அவதாரங்களில் கள்ளழகர்... அசர வைக்கும் அலங்காரம்- போட்டோஸ்!

மதுரையின் சித்திரை பெருவிழாவின் முக்கிய நிகழ்வாக, ஶ்ரீ கள்ளழகர் இராமராய மண்டபத்தில் நேற்று இரவு முதல் இன்று அதிகாலை வரை சிறப்பு தரிசன வைபவம் நடைபெற்றது.

திரளான பக்தர்கள் விடிய விடிய விழித்திருந்து அழகரின் பல்வேறு அவதாரங்களை கண்டு பரவசமடைந்தனர்.

அவதார வரிசையில், அருள்மிகு கள்ளழகர் முதலில் மச்ச அவதாரத்தில் பக்தர்களுக்கு காட்சியளித்தார்.

தொடர்ந்து, கூர்ம அவதாரம், வாமன அவதாரம், இராம அவதாரம், கிருஷ்ண அவதாரம் மற்றும் இறுதியாக மோகினி அவதாரத்தில் எழுந்தருளி பக்தர்களின் கண்களுக்கும் கருத்துக்கும் விருந்தளித்தார்.

ஒவ்வொரு அவதாரத்திலும், அழகரின் தெய்வீக எழிலும், அலங்காரத்தின் வனப்பும் பக்தர்களை மெய்மறக்கச் செய்தது.