பாக்ஸ் ஆபீஸில் மெகா ஹிட்... எம்புரான் ஓடிடி ரிலீஸ் எப்போது தெரியுமா?

இந்த படம் ஏற்கனவே வெளியான லூசிஃபர் படத்தின் இரண்டாவது பாகம்தான். இந்த படத்தின் ஓடிடி ரிலீஸ் தேதி படக்குழு தரப்பில் இருந்து அதிகாரப்பூர்வமாக அறிவிக்கப்பட்டுள்ளது.

இப்படியான நிலையில் படத்தின் இரண்டாம் பாகம் கடந்த மார்ச் 27ஆம் தேதி ரிலீஸ் ஆனது. படம் ரிலீஸுக்கு முன்பே ப்ரீ புக்கிங்கில் ரூபாய் 50 கோடிகள் வசூலித்தது. மலையாளத் திரையுலக வரலாற்றில் படம் ரிலீஸ்க்கு முந்தைய டிக்கெட் புக்கிங்கில் ரூபாய் 50 கோடிகளை வசூல் செய்த படம் என்றால் அது லுசிஃபர் இரண்டாம் பாகம் தான்.

படம் நேரடி மலையாளப் படம் என்றாலும் தமிழ், கன்னடம், தெலுங்கு மற்றும் ஹிந்தி ஆகிய மொழிகளிலும் ரிலீஸ் ஆனது. படம் வெளியாகி ரசிகர்கள் மத்தியில் நல்ல விமர்சனங்களை பெற்றதால் பாக்ஸ் ஆபிஸிலும் வசூலை அள்ளியது.

குறிப்பாக படம் தியேட்டரில் மட்டும் ரூபாய் 250 கோடிகளுக்கு மேல் வசூல் செய்தது. இதன் மூலம் மலையாளத் திரையுலகில் அதிக வசூலைக் குவித்த படம் என்ற சாதனையை படைத்துள்ளது. இந்நிலையில் படத்தின் ஓடிடி ரிலீஸ் குறித்த அப்டேட்டை படக்குழு அதிகாரப்பூர்வமாக தெரிவித்துள்ளது. அதாவது படம் வரும் 24ஆம் தேதி ரிலீஸ் ஆகவுள்ளது.

ஜியோ ஹாட்ஸ்டார் ஓடிடி தளத்தில் இந்த படம் ஸ்ட்ரீம் ஆகவுள்ளது. தியேட்டரில் சென்சார் செய்யப்பட்ட காட்சிகள் ஓடிடி தளத்தில் வெளியாகுமா என்ற கேள்வி ரசிகர்கள் மத்தியில் உள்ளது. இந்த படத்திற்கு மூன்றாம் பாககும் உருவாகவுள்ளது.

இந்தியாவின் மதச்சார்பின்மை ஜனநாயகத்தை அரசியல் ஆதாயத்துக்காக அழிக்க நினைக்கும் அரசியல் செயல்பாடுகளை நேரடிக் காட்சிகளாகவும் குறியீடுகளாகவும் கொண்ட மாஸ் என்டர்டெயினர் திரைக்கதை கொண்ட படம் என படம் பார்த்த ரசிகர்கள் தொடங்கி, விமர்சகர்கள் வரை அனைவரும் பாராட்டினர்.