புகைப்படத் தொகுப்பு Entertainment Gallery

மெய்யழகன் முதல் டோன்ட் மூவ் வரை... இன்று ஓ.டி.டி-யில் வெளியான படங்கள் பாருங்க!

சினிமா உலகில் அன்றாட புதிய திரைப்படங்கள் வெளியாகிக் கொண்டு இருக்கின்றன. இவற்றில் சில திரைப்படங்கள் திரையரங்குகளில் வெளியான பின்பும், நேரடியாகவும் ஓ.டி.டி.யில் வெளியாகின்றன. இந்நிலையில், இன்று எந்தெந்த திரைப்படங்கள் எந்தெந்த ஓ.டி.டி. தளங்களில் வெளியாகி உள்ளன என்பதைக் காணலாம்.

Mona Pachake

25 Oct 2024 09:18 IST

New Update

1/7

மெய்யழகன்

பிரேம் குமார் இயக்கத்தில் நடிகர் கார்த்தி கதாநாயகனாக நடித்துள்ள படம் மெய்யழகன். இந்தப் படத்தில் கார்த்தியுடன் அரவிந்த் சாமி முதன்முறையாக இணைந்துள்ளார். இந்தப் படத்தில் நடிகர் கமல்ஹாசன் இரண்டு பாடல்களைப் பாடியுள்ளார். கார்த்திக்கும் அரவிந்த் சாமிக்கும் இடையிலான உறவின் மகத்துவத்தைப் பேசும் வகையில் இப்படம் உருவாகியுள்ளது. படம் நெட்ஃபிக்ஸ் இல் வெளியிடப்படும்.

2/7

ஹிட்லர்

நடிகர் விஜய் ஆண்டனி நடிப்பில் "ஹிட்லர்" என்ற புதிய படம் வெளியாகியுள்ளது. இதை தானா இயக்கியிருக்கிறார், கதையின் முக்கிய பெண்ணாக ரியா சுமன் நடித்துள்ளார். இந்த படம் திருட்டு, வரவிருக்கும் தேர்தல் மற்றும் ஒரு அழகான காதல் கதைக்கு மத்தியில் பழிவாங்கும் கதைக்களத்தில் உருவாகி உள்ளது. நீங்கள் பிரைம், சிம்ப்லி சவுத் மற்றும் டெண்ட்கோட்டா ஆன்லைனில் பார்க்கலாம்.

3/7

கடைசி உலகப் போர்

ஹிப் ஹாப் ஆதி இப்படத்தில் கதாநாயகனாக நடித்துள்ளார். இதை ஹிப் ஹாப் தமிழா என்டர்டெயின்மென்ட் நிறுவனம் தயாரித்துள்ளது. இந்த படத்தில் நடராஜ் என்ற நட்டியின் 'கிங் மேக்கர்' கதாபாத்திரம் பெரிய அளவில் பேசப்பட்டு வருகிறது. இந்த படம் போர் சம்மந்தமான விஷயங்களை பற்றி பேசுகிறது. இப்படம் டென்ட்கொட்டா ஓ.டி.டி தளத்தில் வெளியாக உள்ளது.

4/7

ஐந்தாம் வேதம்

90களின் பிரபலமான 'மர்மதேசம்' தொடரின் இயக்குனர் நாகா, 'ஐந்தாம் வேதம்' என்ற தலைப்பில் ஒரு சீரிஸ் இயக்கியிருக்கிறார். இந்த தொடர் புராணங்களை அடிப்படையாக கொண்ட திரில்லராக உருவாகி உள்ளது. இந்த தொடர் ஜீ5 ஓ.டி.டி தளத்தில் வெளியாக உள்ளது.

5/7

கிளாஸ்மேட்ஸ்

குடிகாரர்களுக்கான விழிப்புணர்வு படமாக `கிளாஸ்மேட்ஸ்' ஷரவணசக்தி இயக்கி முக்கிய கதாபாத்திரத்தில் நடித்து உள்ளார். இதில் நாயகனாக அங்கயற்கண்ணன், நாயகியாக பிரணா ஆகியோர் நடித்துள்ளனர். மயில்சாமி, சாம்ஸ் உள்ளிட்ட மேலும் பலர் நடித்துள்ளனர். இப்படம் சிம்பிலி சவுத் ஓ.டி.டி தளத்தில் வெளியாக உள்ளது.

6/7

டோ பட்டி

கஜோல் மற்றும் கிருத்தி சனோன் நடிப்பில் வெளியான திரைப்படம் 'டோ பட்டி'. ஷஷாங்கா சதுர்வேதி இயக்கிய மற்றும் கனிகா தில்லான் எழுதிய இரட்டை சகோதரிகளின் இருண்ட ரகசியங்களை மறைக்கும் கதையை இப்படம் சொல்கிறது. இப்படம் நெட்பிளிக்ஸ் ஓ.டி.டி தளத்தில் வெளியாக உள்ளது.

7/7

டோன்ட் மூவ்

இது ஒரு அமெரிக்கா ஹாரர் திரில்லர் திரைப்படமாகும். இந்த படத்தை ஆடம் ஷிண்ட்லர் மற்றும் பிரையன் நெட்டோ ஆகியோர் இயக்கி உள்ளனர். கெல்சி அஸ்பில், பின் விட்ராக் மற்றும் டேனியல் பிரான்சிஸ் ஆகியோர் இந்த படத்தில் நடித்துள்ளனர். இப்படம் நெட்பிளிக்ஸ் ஓ.டி.டி தளத்தில் வெளியாக உள்ளது.

Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Advertisment