புகைப்படத் தொகுப்பு Entertainment Gallery

OTT: சித்தா டூ லெவன் வரை... தியேட்டரை விட ஓ.டி.டி-யில் வரவேற்பை படங்கள்!

சமீப காலத்தில் திரையரங்குகளில் வெளியாகும்போது எதிர்பார்த்த கவனத்தை பெறாமல் ஓடிடியில் வெளியாகி ஏகோபித்த ஆதரவைப் பெற்ற படங்கள் பற்றி இங்கே பார்க்கலாம்.

Written byMona Pachake

சமீப காலத்தில் திரையரங்குகளில் வெளியாகும்போது எதிர்பார்த்த கவனத்தை பெறாமல் ஓடிடியில் வெளியாகி ஏகோபித்த ஆதரவைப் பெற்ற படங்கள் பற்றி இங்கே பார்க்கலாம்.

Mona Pachake

30 Jul 2025 22:02 IST

New Update

1/5

சித்தா

‘பண்ணையாரும் பத்மினியும்’,’ சேதுபதி’ படங்களை இயக்கிய அருண்குமாருக்கு புதிய அடையாளத்தை கொடுத்த படம் ‘சித்தா’. குழந்தைகளுக்கு எதிரான பாலியல் துன்புறுத்தலை மிக ‘சென்சிடிவ்’ ஆக அணுகிய படம் இது. திரையரங்குகளில் வெளியானபோது ஓரளவு வரவேற்பை பெற்றாலும் ஓடிடி வெளியீட்டுக்குப் பிறகு இப்படம் பரவலாக கவனத்தை ஈர்த்தது.

2/5

ஜமா

திரையரங்கில் வெளியானபோது கண்டுகொள்ளப்படாமல் போய் ஓடிடி வெளியீட்டில் சிலாகிக்கப்பட்ட மற்றொரு படம் இது. முதல் படம் என்று சொல்லவே முடியாத அளவுக்கு கூத்துக் கலைஞர்களின் வாழ்வியலை அழுத்தமாக பதிவு செய்திருந்தார் இயக்குநர் பபாரி இளவழகன். எந்தவித மேல்பூச்சும் இல்லாமல் கதைக்களத்துக்கு நேர்மையான இந்தப் படம், இன்னும் பேசபட்டிருக்க வேண்டியது. ஆனால், வெகுஜன சினிமா பார்வையாளர்களிடையே போதிய ‘புகழ்’ வெளிச்சத்தை இப்படம் பெறவில்லை. எனினும் ஓடிடியில் வெளியான பிறகு பலரும் இப்படத்தை மனதார பாராட்டினர்.

3/5

மகாராஜா

இந்தப் பட்டியலில் ‘மகாராஜா’ படத்தை ஒரு விதிவிலக்காக கருதலாம். காரணம், விஜய் சேதுபதியின் 50-வது படமான இது, திரையரங்குகிலேயே பெரும் வரவேற்பை பெற்ற படம்தான். சுமார் ரூ.100 கோடியை தாண்டி வசூலித்தது. ஆனால், ஓடிடி வெளியீட்டுக்குப் பிறகு இப்படம் பெற்ற வரவேற்பு மிக பிரம்மாண்டமானது. நெட்ஃப்ளிக்ஸில் வெளியான இப்படம், இந்தியா மட்டுமின்றி சர்வதேச அளவில் கொண்டாடப்பட்டது. அமெரிக்க அதிபர் தேர்தல் பிரச்சாரத்தின்போது ட்ரம்ப் மீது துப்பாக்கிச் சூடு நடத்தப்பட்டது. அப்போது ட்ரம்ப் தனது காதில் கட்டுடன் தோன்றிய புகைப்படத்தையும் ‘மகாராஜா’ படத்தில் விஜய் சேதுபதியின் புகைப்படத்தையும் இணைத்து சமூக வலைதளங்களில் வெளியான மீம், உலக அளவில் வைரலானது. அந்த அளவுக்கு இப்படம் ஓடிடி வெளியீட்டுக்குப் பிறகு பெரும் தாக்கத்தை ஏற்படுத்தியது.

Advertisment

4/5

லெவன்

தமிழில் எப்போதுமே க்ரைம் த்ரில்லர் படங்களுக்கு எப்போதும் மவுசு உண்டு. ஆனால் ‘ராட்சசன்’ படத்தின் வெற்றிக்குப் பிறகு அது முன்னெப்போதும் இல்லாத வகையில் அதிகமானது. அந்த வகையில் சமீபத்தில் க்ரைம் த்ரில்லர் ஜானரில் வெளியான இப்படம், திரையரங்க வெளியீட்டின்போது பெரிதாக பேசப்படவில்லை. ஆனால் ஓடிடி வெளியீட்டுக்குப் பிறகு சமூக வலைதளங்களில் பரவலாக இப்படம் பேசப்பட்டது.

5/5

மெட்ராஸ் மேட்னி

தமிழ் சினிமாவில் ஒவ்வொரு காலகட்டத்திலும் குறிஞ்சிப் பூ போல சில படங்கள் தோன்றுவதுண்டு. அவை காலம் கடந்தும் தமிழ் சினிமாவின் பேர் சொல்லும் படங்களாக அமைந்து விடும். அப்படியான ஒரு படம்தான் இந்த ‘மெட்ராஸ் மேட்னி’. போதிய விளம்பரங்கள் செய்யப்படாததாலோ என்னவோ இப்படம் திரையரங்க வெளியீட்டின் போது அங்கொன்றும் இங்கொன்றுமாக மட்டுமே பேசப்பட்டது. ஆனால், ஓடிடி வெளியீட்டுக்குப் பிறகு இதை பார்த்த அனைவருமே இப்படத்தை சமூக வலைதளங்களில் சிலாகித்தனர். மிடில் கிளாஸ் குடும்பத்தின் வாழ்வியலை ஒரு தெளிந்த நீரோடை போல எந்தவித போலித்தனமும் இல்லாமல் காட்டியிருந்தது இப்படம்.

Stay updated with the latest news headlines and all the latest Lifestyle news. Download Indian Express Tamil App - Android or iOS.