ரொம்ப நாள் ஃபிரெஷா இருக்க நல்லெண்ணெய் இப்படி ஸ்டோர் பண்ணுங்க: சூப்பர் கிச்சன் டிப்ஸ்

சமையலறையில் நேரத்தை செலவிடும் அனைவருக்கும் எல்லா நாட்களும் ஒரே மாதிரியாக இருக்காது. சில நாட்கள் சிறப்பாக இருந்தாலும், பல நாட்கள் மோசமாகி விடுகின்றன. நீங்களும் அந்த ‘கெட்ட கிச்சன் நாட்களில்’ ஒன்றைக் கொண்டிருக்கிறீர்கள் என்றால், சில கிச்சன் ஹேக்குகள் இங்கே உள்ளன, அது நிச்சயமாக சமையலை ஒரு மென்மையான அனுபவமாக மாற்றும்.

முருங்கை கீரை சமைக்க

நார்மலா முருங்கை கீரை சமைக்கும் போது, தண்ணீர் கீரையில ஓட்டாத மாதிரியே இருக்கும். இதுக்கு ஒரு பாத்திரத்துல கொஞ்சம் தண்ணீர், மஞ்சள் தூள், உப்பு சேர்த்து அதுல கீரையை போட்டு, நல்ல அழுத்தி 15 நிமிஷம் கழிச்சு எடுங்க. இதை 2, 3 தடவ கழுவி சமைக்கும் போது கீரையில தண்ணீர் நல்லா ஓட்டும். ருசியிம் நல்லா இருக்கும்.

நல்லெண்ணெய் பிரெஷா இருக்க

நீங்க கடையில இருந்துட்டு வாங்கிட்டு வந்த நல்லெண்ணெய் கொஞ்ச நாள்லயே வாசனையும், மனமும் போயிடுதா? எண்ணெய் பாட்டில் மூடி திறந்து அதுல ஒரு சின்ன துண்டு வெல்லம் போடுங்க. இனி எவ்வளவு நாள் ஆனாலும் நல்லெண்ணெய் ஓட மணமும், சுவையும் மாறாம இருக்கும்.

கண்ணாடி பாட்டில் பளபளக்க

உங்க கிச்சன்ல மசாலா சாமான், எண்ணெய் போட்டு வைக்க கண்ணாடி பாட்டில் யூஸ் பண்றீங்களா? அப்போ நாளாக நாளாக அதோட பளபளப்பு குறைஞ்சிட்டே போகும். அடியிலயும் நிறைய அழுக்கு படிஞ்சிருக்கும். இதுக்கு ஒரு ஐஸ் கியூப்ஸ் எடுத்து கண்ணாடி பாட்டில்ல போட்டு நல்லா ஷேக் பண்ணுங்க. இப்போ வாஷ் பண்ணா உங்க கண்ணாடி பாட்டில் நல்ல பளபளன்னு இருக்கும்.

பாகற்காய் கசப்பு போக

ஒரு பாத்திரத்துல கொஞ்சம் வெதுவெதுப்பான தண்ணீர் எடுத்து, வெட்டி வச்ச பாகற்காய்ய அதுக்கூட சேருங்க. அதுக்கூட கொஞ்சம் மஞ்சள் தூள், உப்பு சேர்த்து ஒரு அரை மணிநேரம் அப்படியே வச்சிருங்க. பாகற்காய் இப்படி சமைக்கும் போது கசப்பு சுவை அதிகமா இருக்காது. உங்க குழந்தைங்க கூட கேட்டு வாங்கி சாப்பிடுவாங்க. அதேபோல பாகற்காய் சமைக்கும் போது ஒரு சின்ன துண்டு வெல்லம் சேருங்க. அடுப்பு அணைக்கிறதுக்கு பாதி எலுமிச்சை பழத்தை நல்ல பிழிஞ்சு விட்டுக்கோங்க. எலுமிச்சையும், வெல்லமும் சேர்ந்து ஒரு தனி ருசி கொடுக்கும்.

குக்கர் விசில் போடுற இடத்துல அடைப்பு

குக்கர்ல சமைக்கும் போது விசில் போட்டு மூடுறதுக்கு முன்னாடி ஒரு வெங்காயத்தை எடுத்து அது அடியில ஓட்டை போட்டு குக்கர்ல விசில் போடுற இடத்துல வச்சு நல்ல சுத்தி விடுங்க. இதுனால வெங்காய சாறு நல்ல கீழ இறங்கி, உள்ள ஏதாவது அடைப்பு இருந்தா ஈஸியா கிளீன் பண்ணிரலாம். குக்கர் விசில் போடுறதுக்கு முன்னாடி ஒரு டூத் ஸ்டிக் எடுத்து உள்ளவிடலாம். உள்ள ஏதாவது அடைப்பு இருந்தா வந்துரும்.

ஊதுபத்தி ஸ்டாண்ட்

ஒரு யுஸ் அண்ட் த்ரோ கப்பில் கொஞ்சம் கோலமாவு போட்டு, தேங்காய் சிரட்டையை அதன்மேல் வைக்கவும். தேங்காய் கண் உள்ளே ஊதுபத்தி வைத்து, ஊதுபத்தி ஸ்டாண்ட் ஆக அதை பயன்படுத்தலாம். இப்படி செய்வதால் ஊதுபத்தியில் இருந்து விழும் சாம்பல் உங்கள் வீடு முழுவதும் பரவாது. தேங்காய் சிரட்டையிலே விழுந்து விடும். காலி டப்பா இருந்தா அதை தூக்கி போடாமா அதையும் இந்த மாதிரி ஊதுபத்தி ஸ்டாண்டா யூஸ் பண்ணலாம்.