இறால் தக்கடி... சுவையும், மணமும் வித்தியாசம்!

தேவையான பொருட்கள்

இறால் - 1/2 கிலோ (சுத்தம் செய்தது), வறுத்த அரிசி மாவு - 2 கப், தேங்காய் துருவல் - 1/2 மூடி, தேங்காய் பால் - 1 கப், பெரிய வெங்காயம் - 2 (நறுக்கியது), பச்சை மிளகாய் - 3 (நறுக்கியது), கறி மசாலா தூள் - 2 தேக்கரண்டி, தக்காளி - 2 (நறுக்கியது), உப்பு - தேவையான அளவு, மிளகாய் தூள் - 1 தேக்கரண்டி.

ஒரு பாத்திரத்தில் வறுத்த அரிசி மாவுடன், தேங்காய் துருவல், பெரிய வெங்காயம், பச்சை மிளகாய், கறி மசாலா தூள், தக்காளி, உப்பு மற்றும் மிளகாய் தூள் சேர்த்து கலக்கவும்.

பின்னர், சிறிது தண்ணீர் தெளித்து, மென்மையாக பிசைந்து கொள்ளவும்.

பிசைந்த மாவை சிறு சிறு உருண்டைகளாக உருட்டி கொள்ளவும். கடாயில் எண்ணெய் ஊற்றி சூடானதும், இறாலை சேர்த்து வதக்கவும்.

பின்னர், நறுக்கிய வெங்காயம், தக்காளி மற்றும் பச்சை மிளகாய் சேர்த்து வதக்கவும்.

அடுத்து, கறி மசாலா தூள் மற்றும் மிளகாய் தூள் சேர்த்து வதக்கவும்.

வதக்கிய இறாலுடன், பிசைந்த மாவு உருண்டைகளை சேர்த்து, தேங்காய் பால் ஊற்றி, மூடி போட்டு வேகவிடவும்.

நன்றாக வெந்ததும், இறால் தக்கடி தயார்.