சின்ன கவுண்டருக்கு பில்டப் வேணாம், எதார்த்தமா போடுங்க; இயக்குனர் மீது கோபத்தில் இளையராஜா போட்ட ஹிட் பாட்டு!

இந்த திரைப்படத்தில் விஜயகாந்த், சுகன்யா, கவுண்டமணி முதலியோர் நடித்து உள்ளனர்.

இத்திரைப்படத்தைச் சின்னராயுடு என்ற பெயரில் தெலுங்கிலும் சிக்கெசமான்ரு என்ற பெயரில் கன்னடத்திலும் வேறு நடிகர்களைக் கொண்டு மீளுருவாக்கினார்கள். இத்திரைப்படம் திரையரங்குகளில் 100 நாட்களைத் தாண்டி ஓடியது

சின்ன கவுண்டர் படத்திற்கான கதையை ஆர்.வி. உதயகுமார் இளையராஜாவிடம் சொல்லிவிட்டு அடுத்த நாள் அவரை சந்திக்கிறார். இளையராஜா ஒரு பாடலை கம்போஸ் செய்து வைத்திருக்கிறார்

ஆனால் அந்தப் பாடல் ஆர்.வி. உதயகுமாருக்கு பிடிக்கவில்லை. இந்தப் பாடல் தன் படத்திற்கு செட் ஆகாது எனவே நீங்கள் வேறு ஒரு பாடலை கம்போஸ் செய்து கொடுங்கள் என ஆர்.வி. உதயகுமார் இளையராஜாவிடம் கேட்கிறார்.

கோபம் அடைந்த இளையராஜா இந்த பாட்டுக்கு என்னய்யா குறைச்சல் என கேட்கிறார். என் படத்துக்கு இந்த பாடல் சரி வராது முத்து மணி, பாசிமணி எனவருவது போல எனக்கு ஒரு கிராமத்து சாயலில் ஒரு பாடல் வேண்டும் என கேட்கிறார் ஆர்.வி. உதயகுமார்.

உடனே இளையராஜா ஆர்மோனிய பெட்டியை சட்டென இழுத்து முத்துமணி மாலை என பாடி டியூன் போட அவர் டியூன் வாசிக்க வாசிக்க ஆர்.வி. உதயகுமார் வரிகள் எழுத உருவான பாடல் தான் முத்துமணி மாலை என்ற பாடல்.