விநாயகர் சதுர்த்தி ஸ்பெஷல்: நெய் சேர்த்த கொலுக்கட்ட... இப்படி புடிங்க!

இது குறிப்பாக தமிழ் மக்கள் பலர் விரும்பும் ஒரு பாரம்பரிய ஸ்நாக் ஆகும். அதை எப்படி செய்யலாம் என்று பார்க்கலாம்.

தேவையான பொருட்கள்

அரிசி மாவு – 1 கப், தண்ணீர் – 1 ¼ கப், உப்பு – 1/4 டீஸ்பூன், நெய் – 2 மேசைக்கரண்டி, தேங்காய் துருவல் – 2 மேசைக்கரண்டி (விருப்பப்படி), கடுகு – 1/2 டீஸ்பூன், உளுத்தம்பருப்பு – 1/2 டீஸ்பூன், சீரகம் – 1/4 டீஸ்பூன், பெருங்காயம் – சிட்டிகை, கறிவேப்பிலை.

ஒரு கடாயில் தண்ணீர், உப்பு மற்றும் 1 மேசைக்கரண்டி நெய் சேர்த்து கொதிக்க விடுங்கள். தண்ணீர் கொதித்ததும், அரிசி மாவை மெதுவாக தூவி கலந்து விடவும். (கட்டி ஏற்படாமல் கலக்கவும்).

சற்று அடுப்பை மிதமான தீயில் வைத்து, மாவு கெட்டியாகும் வரை கிளறவும். மாவு புட்டு போல கெட்டியாக வேண்டும். மாவு ஆறியதும், சிறிய சிறிய உருண்டைகள் போல உருட்டிக் கொள்ளவும். விருப்பப்பட்டால் நீளமாகவும் செய்யலாம்.

ஒரு வாணலியில் மீதமுள்ள நெய் ஊற்றி, அதில் கடுகு, உளுந்தம்பருப்பு, சீரகம், பெருங்காயம், கறிவேப்பிலை தாளிக்கவும்.

தேங்காய் துருவல் சேர்த்து 1 நிமிடம் வதக்கவும். இப்போது பிசைந்து வைத்த மாவு உருண்டைகள் சேர்த்து மெதுவாக கலக்கவும். 5–6 நிமிடங்கள் மிதமான தீயில் கிளறி நெய் மேலே மிதக்கும் வரை வதக்கவும்.

அவ்வளவு தான்... அருமையான சூடான நெய் கொழுக்கட்டை தயார்!