பட்டாணி, உருளை சேர்த்து... ஓட்டல் ஸ்டைல் குருமா!

தேவையான பொருட்கள்

உருளைக்கிழங்கு - 2 (வேகவைத்து சதுரமாக நறுக்கியது), பட்டாணி - 1/2 கப் (வேகவைத்தது), எண்ணெய் - 2 டேபிள்ஸ்பூன், கடுகு - 1/2 டீஸ்பூன், சீரகம் - 1/2 டீஸ்பூன், பட்டை - 1 துண்டு, கிராம்பு - 2, ஏலக்காய் - 2, வெங்காயம் - 1 (நறுக்கியது), தக்காளி - 1 (நறுக்கியது), இஞ்சி பூண்டு விழுது - 1 டீ,ஸ்பூன், பச்சை மிளகாய் - 2 (நறுக்கியது), மிளகாய் தூள் - 1/2 டீஸ்பூன், தனியா தூள் - 1 டீஸ்பூன், மஞ்சள் தூள் - 1/4 டீஸ்பூன், கரம் மசாலா - 1/4 டீஸ்பூன், தேங்காய் பால் - 1/2 கப் (முதல் பால்), தண்ணீர் - தேவையான அளவு, கொத்தமல்லி இலைகள் - சிறிதளவு (நறுக்கியது), உப்பு - தேவையான அளவு.

ஒரு வாணலியில் எண்ணெய் ஊற்றி சூடாக்கவும். கடுகு, சீரகம், பட்டை, கிராம்பு, ஏலக்காய் சேர்த்து தாளிக்கவும்.

நறுக்கிய வெங்காயம், பச்சை மிளகாய் சேர்த்து பொன்னிறமாக வதக்கவும்.

இஞ்சி பூண்டு விழுது சேர்த்து பச்சை வாசனை போகும் வரை வதக்கவும்.

நறுக்கிய தக்காளி சேர்த்து நன்கு வதக்கவும். மிளகாய் தூள், தனியா தூள், மஞ்சள் தூள் சேர்த்து வதக்கவும்.

வேகவைத்த உருளைக்கிழங்கு, பட்டாணி சேர்த்து கிளறவும். தேவையான அளவு தண்ணீர், உப்பு சேர்த்து 5 நிமிடம் கொதிக்க விடவும்.

கரம் மசாலா சேர்த்து கிளறவும். தேங்காய் பால் சேர்த்து 2 நிமிடம் கொதிக்க விடவும்.

கொத்தமல்லி இலைகளால் அலங்கரித்து சூடாக பரிமாறவும்.

அவ்வளவு தான்... உருளை பட்டாணி குருமா தயார்!