அடி வயிற்றில் விளக்கெண்ணெய் தடவுங்க… பீரியட்ஸ் வலி குறையும்; டாக்டர் ஷர்மிகா

மாதவிடாய் காலத்தில் ஏற்படும் வலி பல பெண்களுக்கு மிகுந்த சிரமத்தை அளிக்கிறது. இந்த வலியை குறைக்க சில எளிய முறைகளை பின்பற்றலாம். இதோ உங்களுக்காக ஆறு சிம்பிள் டிப்ஸ்:

1. குழந்தை நிலை (Child's Pose):

இந்த ஆசனம் மிகவும் எளிமையானது, ஆனால் நல்ல பலன் கொடுக்கும். படத்தில் காட்டப்பட்டுள்ளவாறு, ஒரு நாளைக்கு ஒரு நிமிடம் இந்த ஆசனத்தை செய்து வந்தால், தசைகள் தளர்ந்து வலி குறையும்.

2. உணவு முறை மாற்றம்:

உங்கள் மாதவிடாய் வருவதற்கு ஏழு நாட்களுக்கு முன்பிருந்தே உங்கள் உணவில் அதிக பழங்கள், கீரை வகைகள் மற்றும் வெந்தயத் தண்ணீர் சேர்த்துக்கொள்ளுங்கள். இது வலியை குறைக்க உதவும்.

3. நீரேற்றம் மற்றும் ஓய்வு:

உடலை போதுமான அளவு நீரேற்றமாக வைத்துக்கொள்ளுங்கள். நிறைய தண்ணீர் குடியுங்கள். அதேபோல், போதுமான தூக்கம் மிகவும் அவசியம். டீ மற்றும் காபி அருந்துவதை குறைத்துவிடுங்கள்.

4. விளக்கெண்ணெய் மசாஜ்:

வெதுவெதுப்பான விளக்கெண்ணெயை அடிவயிற்றில் தடவி மூன்று நிமிடம் மென்மையாக மசாஜ் செய்யுங்கள். இது குளிர்ச்சி ஏற்படுத்தும் மற்றும் வலியை குறைக்க உதவும்.

5. ஏபிசி ஜூஸ்:

மாதவிடாய் தொடங்குவதற்கு ஏழு நாட்களுக்கு முன்பு தினமும் ஏபிசி ஜூஸ் (ஆப்பிள், பீட்ரூட், கேரட்) குடித்து வாருங்கள். இது உடலுக்கு தேவையான சத்துக்களை அளித்து வலியை குறைக்க உதவும்.

6. காரணத்தை கண்டறிந்து சிகிச்சை:

கடைசியாக, உங்கள் பீரியட்ஸ் வலிக்கு உண்மையான காரணம் என்னவென்று கண்டறியுங்கள். ஒருவேளை அடிவயிற்றில் ஏதேனும் பிரச்சனைகள் இருக்கலாம் அல்லது ஹார்மோன் சமநிலையின்மை காரணமாக இருக்கலாம். எனவே, அப்டோமன் ஸ்கேன் அல்லது ஹார்மோன் டெஸ்ட் எடுத்து பார்த்து காரணத்தை அறிந்து சிகிச்சை பெறுவது நல்லது. இந்த எளிய முறைகளை பின்பற்றுவதன் மூலம் மாதவிடாய் வலியிலிருந்து ஓரளவு நிவாரணம் பெற முடியும்.5. ஏபிசி ஜூஸ்: