புத்துணர்ச்சி தரும் புதினா... சாதம் செஞ்சா டக்குன்னு காலி!

தேவையான பொருட்கள்

புதினா - 1 கட்டு, பச்சை பட்டாணி - 1/2 கப், பாஸ்மதி அரிசி - 1 கப், வெங்காயம் - 1 (நறுக்கியது), தக்காளி - 1 (நறுக்கியது), இஞ்சி பூண்டு விழுது - 1 தேக்கரண்டி, பச்சை மிளகாய் - 2 (விரும்பினால்), பட்டை, கிராம்பு, ஏலக்காய் - தலா 1, எண்ணெய் - 2 தேக்கரண்டி, நெய் - 1 தேக்கரண்டி (விரும்பினால்), உப்பு - தேவையான அளவு, கொத்தமல்லி தழை - சிறிதளவு (நறுக்கியது), தயிர் - 1/4 கப் (விரும்பினால்).

பாஸ்மதி அரிசியை 20 நிமிடங்கள் தண்ணீரில் ஊற வைக்கவும். புதினா இலைகளை சுத்தம் செய்து, பச்சை மிளகாய் மற்றும் சிறிது தண்ணீருடன் சேர்த்து மிக்ஸியில் விழுதாக அரைக்கவும்.

ஒரு பாத்திரத்தில் எண்ணெய் ஊற்றி சூடானதும் பட்டை, கிராம்பு, ஏலக்காய் சேர்த்து தாளிக்கவும். நறுக்கிய வெங்காயம் சேர்த்து பொன்னிறமாக வதக்கவும். பின் இஞ்சி பூண்டு விழுது சேர்த்து வதக்கவும்.

அரைத்த புதினா விழுதை சேர்த்து பச்சை வாசனை போகும் வரை வதக்கவும்.

ஊறவைத்த அரிசியை சேர்த்து, தேவையான அளவு தண்ணீர், உப்பு சேர்த்து நன்றாக கிளறவும். அரிசி முக்கால் பாகம் வெந்ததும், பச்சை பட்டாணியை சேர்த்து கிளறவும்.

பாத்திரத்தை மூடி, தீயை குறைத்து வைத்து, அரிசி மற்றும் பட்டாணி நன்கு வேகும் வரை வேக வைக்கவும்.

அரிசி வெந்ததும், நெய் மற்றும் கொத்தமல்லி தழை சேர்த்து கிளறி, தயிர் விருப்பப்பட்டால் சேர்த்து பரிமாறவும்.