தமிழில் நடித்தது 2 படம்; இந்த நடிகைக்கு இந்தியா முழுவதும் ஃபேன்ஸ் அதிகம்: யார்னு கண்டுபிடிங்க!

சமீப காலமாக சமூக வலைதளங்களில் முன்னணி நடிகைகளின் குழந்தைப் பருவ புகைப்படங்கள் பகிரப்பட்டு வைரலாகி வருகிறது. அந்த வகையில், தற்போது சமூக வலைதள பக்கத்தில் வைரலாகி வரும் புகைப்படங்களுள் இந்தப் படமும் ஒன்று. இந்தப் படத்தில் இருக்கும் நடிகை ராஷ்மிகா மந்தனா.

நடிகை ராஷ்மிகா மந்தனா, தற்போது இந்திய அளவில் உச்ச நட்சத்திரமாக இருக்கிறார். அவரின் சம்பளம் பொதுவாக ஒரு படத்திற்கு ரூ.4 முதல் 5 கோடி வரை இருக்கும் எனக் கூறப்படுகிறது. இருப்பினும், புஷ்பா 2 படத்திற்கு ரூ.10 கோடி சம்பளம் வாங்குவதாக தெரிவிக்கப்பட்டுள்ளது சாவா படத்திற்காக, அவர் ரூ.4 கோடி சம்பளம் வாங்கியதாகவும் கூறப்படுகிறது.

நடிகை ராஷ்மிகா மந்தனா, கர்நாடகாவின் குடகு மாவட்டத்தில் பிறந்து வளர்ந்தவர். கடந்த 2016-ம் ஆண்டு வெளியான "கிரிக் பார்ட்டி" என்ற கன்னட திரைப்படத்தின் மூலம் சினிமாவில் கதாநாயகியாக அறிமுகமானார். அதனைத்தொடர்ந்து, "கீதா கோவிந்தம்", "டியர் காம்ரேட்", "பீஷ்மா" உள்ளிட்ட படங்களில் நடித்து பிரபலமானார்.

'சுல்தான்' படத்தின் மூலம் தமிழில் அறிமுகமான இவர், நடிகர் விஜயுடன் வாரிசு படத்தில் நடித்துள்ளார். பாலிவுட்டில் 'அனிமல்' படத்தின் மூலம் அறிமுகமானார். அல்லு அர்ஜுனுக்கு ஜோடியாக புஷ்பா படத்தில் நடித்து அனைவரின் கவனத்தையும் ஈர்த்தார்.

கடைசியாக கடந்த 14-ம் தேதி ராஷ்மிகா நடிப்பில் வெளியான படம் சாவா. இப்படமும் நல்ல வரவேற்பை பெற்று வருகிறது. அனிமல், புஷ்பா 2 மற்றும் சாவா என ஹாட்ரிக் வெற்றிப்படங்களை கொடுத்திருக்கும் ராஷ்மிகா தற்போது நாட்டின் முன்னணி நட்சத்திரங்களில் ஒருவராக உயர்ந்துள்ளார்.

கடந்த மார்ச் மாதத்தில் வெளியான 'சிக்கந்தர்' படத்தில் ராஷ்மிகா நடித்திருந்தர். ஏ.ஆர்.முருகதாஸ் இயக்கத்தில் சல்மான் கான் நடித்திருந்தார். தற்போது தனுஷுக்கு ஜோடியாக குபேரா படத்திலும் ராஷ்மிகா நடித்து வருகிறார். இப்படம் வருகிற ஜூன் மாதம் 20-ம் தேதி வெளியாகிறது.