சைலண்ட் ஹிட் அடித்த இந்தி படம்... பாக்ஸ் ஆஃபீஸில் எத்தனை கோடி வசூல் தெரியுமா?

பெரிய எதிர்பார்ப்புடன் வெளியாகும் படங்கள் பாக்ஸ் ஆஃபீஸில் தோல்வியை தழுவும்போது, புதுமுகங்கள் நடிப்பில் சைலண்டான வெளியாக இந்திப் படம் ஒன்று வசூலில் நாளுக்கு நாள் முன்னேறி வருகிறது.

காதல் படங்களுக்கு பெயர் போனது பாலிவுட் திரையுலகம். அழுத்தமான காதல் கதைகளுக்காக பார்வையாளர்கள் திரையரங்குகளை நோக்கி படையெடுத்தார்கள். ஆனால் இன்று பாலிவுட்டில் கன்டென்ட் வறட்சியுடன் நல்ல காதல் படங்களுக்கான வறட்சியும் ஒருங்கே இணைந்துவிட்டது.

அந்த இடத்தை பூர்த்தி செய்யும் படங்களுக்கு எப்போதும் மவுசு உண்டு. காதல் படங்களுக்கு பெயர் போன யாஷ் ராஜ் பிலிம்ஸ் நிறுவனத்தின் தயாரிப்பில் புதுமுங்கள் நடிக்க புது முக இசையமைப்பாளர்களால் உருவான படம் ‘சயாரா’.

மோகித் சூரி இயக்கத்தில் அகன் பாண்டே மற்றும் அனீத் படா ஆகியோர் நடிப்பில் வெளியாகியுள்ள படம் ‘சயாரா’. நாயகன் மற்றும் நாயகி இருவருமே இப்படத்தின் மூலமாக தான் அறிமுகமாகிறார்கள். இப்படத்தினை யாஷ் ராஜ் நிறுவனம் தயாரித்து வெளியிட்டது.

இந்தப் படம் வெளியான முதல் நாள் 20.75 கோடியை வசூலித்தது. 2-வது நாளில் 23.50 கோடி என வசூலித்தது. இந்த வசூல் பல்வேறு முன்னணி நடிகர்களின் படங்களை விட அதிகம் என்பது குறிப்பிடத்தக்கது. "சயாரா" திரைப்படம் BookMyShow இல் ஒரு வலுவான தொடக்கத்தைக் கண்டுள்ளது, 3.5 மில்லியனுக்கும் அதிகமான டிக்கெட்டுகள் முன்பதிவு செய்யப்பட்டுள்ளன . குறிப்பாக, கடைசி ஒரு மணி நேரத்தில் 33,110 டிக்கெட்டுகள் முன்பதிவு செய்யப்பட்டதாக BookMyShow கூறுகிறது . இந்தப் படம் தற்போது அதிக எண்ணிக்கையிலான முன்பதிவுகளுடன் டிரெண்டிங்கில் உள்ளது.

படத்தின் பட்ஜெட் ரூ.30 கோடி இருக்கும் என கூறப்படுகிறது. ஆனால் எந்தவித முன்னணி நடிகர்களும் இல்லாமல் புதுமுக நடிகர்களை கொண்ட இந்தப் படம் இதுவரை ரூ.150 கோடி வசூலை நெருங்கிவிட்டதாக தகவல் வெளியாகியுள்ளது.

ஒரு மணிநேரத்திற்கு 40,000-க்கும் அதிகமான டிக்கெட்கள் தொடர்ச்சியாக புக்கிங் செய்யப்பட்டு வருகிறது. இந்த நிலையில் சென்றால் கண்டிப்பாக ‘சயாரா’ திரைப்படம் 200 கோடி வசூலை எளிதாக கடக்கும் என்கிறார்கள்.

இந்தியாவில் மட்டுமன்றி வெளிநாட்டில் இப்படம் பெரும் வசூல் செய்து வருகிறது. இந்த ஆண்டு ‘சாவா’ படத்துக்குப் பிறகு 200 கோடி வசூலை கடக்கும் 2-வது படமாக இது அமையும் என்று பலரும் கருத்து தெரிவித்து வருகிறார்கள்.