ஆவி புகுந்த பெண் கதை... சமந்தாவின் 'சுபம்' ஓ.டி.டி ரிலீஸ் தேதி அறிவிப்பு

இந்திய சினிமாவில் முன்னணி நடிகையாக வலம் வருபவர் நடிகை சமந்தா. தமிழ், தெலுங்கு, மலையாளம் உள்ளிட்ட தென்னிந்திய மொழிப்படங்களில் நடித்து தனக்கென தனி ரசிகர்கள் பட்டாளத்தை வைத்துள்ளார். இவர் நடிக்கும் படங்கள் அனைத்தும் பட்டிதொட்டியெல்லாம் பட்டையை கிளம்பும்.

இந்நிலையில், நடிகை சமந்தா தற்போது தயாரிப்பாளர் அவதாரம் எடுத்துள்ளார். அவரது தயாரிப்பு நிறுவனமான ட்ரலாலா மூவிங் பிக்சர்ஸ் என்ற இந்த நிறுவனத்தின் கீழ் சமந்தா "சுபம்" என்ற படத்தை தயாரித்திருக்கிறார்.

பிரவீன் காந்த்ரேகுலா இயக்கியுள்ள இந்தப் படத்தில் பல புது முகங்கள் நடித்திருக்கின்றனர். சமந்தா தயாரித்த முதல் படம் என்பதால் இப்படத்தின் மீது மிகுந்த எதிர்பார்ப்பு எழுந்துள்ளது. இப்படம் கடந்த மே 9-ம் தேதி வெளியாகி மக்களிடையே கலவையான விமர்சனத்தை பெற்றது.

'சுபம்' படம், சீரியல் கதைகளை விரும்பிப் பார்க்கும் ஆவி புகுந்த பெண்ணை மையப்படுத்தி எடுக்கப்பட்டுள்ளது. திருமணத்துக்குப் பிறகு அப்பெண்ணுடன் ஏற்படும் நெருக்கடிகளை சந்திக்கும் குடும்பம் என நகைச்சுவையாக இப்படம் எடுக்கப்பட்டுள்ளது.

இந்தப் படத்தில் நாயகனாக ஹர்ஷித், நாயகியாக ஷிரியா நடிக்க, சரண், ஷாலினி, கவிரெடி ஸ்ரீனிவாஸ் உள்ளிட்ட பலர் முக்கியப் பாத்திரங்களில் நடித்துள்ளனர். சினிமா பண்டி படத்தை எடுத்து கவனம் ஈர்த்த, எழுத்தாளர் வசந்த் மரிகாண்டி, இயக்குநர் பிரவீன் இணைந்து இப்படத்தை எடுத்துள்ளனர்.

இந்த நிலையில், 'சுபம்' படத்தின் ஓ.டி.டி ரிலீசை படக்குழு வெளியிட்டுள்ளது. திரைப்படம் வரும் ஜூன் 13 ஆ ம் தேதி ஜியோ ஹாட்ஸ்டார் ஓ.டி.டி தளத்தில் வெளியாக இருக்கிறது.