சுகரை சட்டுன்னு குறைக்கும் இந்த இலை... 2 வாயில் போட்டு மென்றால் இனிப்பு தெரியாது; இப்படி பயன்படுத்துங்க: டாக்டர் முருகேசன்

தவறான உணவு மற்றும் மோசமான வாழ்க்கை முறை காரணமாக நீரிழிவு நோயாளிகளின் எண்ணிக்கை தொடர்ந்து அதிகரித்து வரும் நிலையில், இந்த நோயிலிருந்து விடுபட, சில மருந்துகளுடன், வீட்டு வைத்தியத்தை பின்பற்றுவதன் மூலம் இரத்தில் உள்ள சர்க்கரையை சிறந்த வகையில் கட்டுப்படுத்தலாம். அந்த வகையில் சிறுகுறிஞ்சான் அல்லது சர்க்கரை கொல்லி என்ற மூலிகை ஒரு வரப்பிரசாதம் எனலாம்.

சிறுகுறிஞ்சான் இலை சிறிதாகவும், முனை கூர்மையாகவும் மிளகாய் இலை போன்று காணப்படும். இது கிட்டத்தட்ட இரண்டாயிரம் வருடங்களாக நீரிழிவு நோய்க்கு அருமருந்தாக இந்த மூலிகை உள்ளது. இரத்த சர்க்கரையை கட்டுக்குள் வைத்திருக்க விரும்பினால், தினமும் வெறும் வயிற்றில் சிறுகுறிஞ்சான் இலைகளை சாப்பிட வேண்டும்.

சிறு குறிஞ்சான் என்னும் சர்க்கரை கொல்லி இலைகள் டைப் 1 மற்றும் டைப் 2 ஆகிய இரு வகை நீரிழிவு நோய்களை குணப்படுத்துவதில் மிகவும் பயனுள்ளதாக இருக்கும். இது கணயத்தில் உள்ள செல்களை புத்துயிர் பெறச் செய்து இன்சுலின் அளவை அதிகரிப்பதன் மூலம் இரத்த சர்க்கரை அளவை குறைக்கிறது.

சர்க்கரை வியாதி உள்ளவர்கள் சிறுகுறிஞ்சான் இலையை நிழலில் காயவைத்து இடித்து தூள் செய்து சலித்து வைத்துக்கொண்டு நெய்யில் குழைத்து சாப்பிட்டால் சிறுநீரில் சர்க்கரையின் அளவு குறைந்து நாளைடைவில் நோய் முற்றிலும் குணமாகும்.

இதை அப்படியே சாப்பிடாமல் வேறு சில மூலிகைகள், அதாவது ஆவாரம்பூ , நாவற்கொட்டை , காசியகீரை இவை அனைத்தையும் சேர்த்து சாப்பிட்டால் அதன் விளைவு மிகவும் அதிகமாக நன்மைகள் தரும்.