44 வயதில் 10 கிலோ குறைப்பு... பிரபல நடிகையின் வெயிட் லாஸ் டிப்ஸ் இதுதான்!

நடிகை ஸ்வேதாவிற்கு இப்போது 44 வயதாகிறது. இந்த வயதில் இவர், அவர் 10 கிலோ எடையை குறைத்திருக்கிறார். இவர் அதற்காக செய்ததெல்லாம் சிம்பிளான சில விஷயங்கள் மட்டும்தான். இதனை, யார் வேண்டுமானாலும் பின்பற்றலாம் என்கிறார்.

ஸ்வேதா, தனது ஊட்டச்சத்து ட்ரைனர் கொடுத்த டயட்டை சரியாக திறம்பட பின்பற்றி இருக்கிறார். அதிலும், இவை அனைத்தும் நம் வீட்டில் எளிதாக தயாரிக்க கூடிய உணவு பொருட்களாகத்தான் இருக்குமாம். அவரது டயட்டில் முக்கியமாக இருந்தவை பருப்பு வகைகள், பிரவுன் அரிசி, பழங்கள், அதிகம் கொழுப்பு சேர்க்காத இறைச்சி, ஓட்ஸ் மற்றும் ஆரோக்கிய நட்ஸ் ஆகியவை ஆகும்.

ஸ்வேதா, உடல் எடையை குறைக்க சில உணவுகளை தவிர்த்திருக்கிறார். அதில் சர்க்கரை சேர்த்த உணவுகள், பதப்படுத்தப்பட்ட துரித உணவுகள் உள்ளிட்டவை அடங்கும்.

நடிகை ஸ்வேதாவின் உடற்பயிற்சிகள், வலிமை பயிற்சிகள், கார்டியோ மற்றும் யோகா ஆகியவற்றை இணைத்ததாக இருக்கிறது. இந்த வலிமை பயிற்சி, தசை வளர்ச்சிக்கு உதவவும் கொழுப்பை எரிக்கவும் செய்கிறது.

அவர், எடையை குறைக்க ஜாகிங், வேகமான நடைப்பயிற்சி உள்ளிட்ட உடற்பயிற்சிகளை செய்திருக்கிறார். அதே போல, மனதை ரிலாக்ஸ் செய்யவும், உடலை ஃப்ளெக்ஸிபில் ஆக வைத்துக்கொள்ளவும் யோகா பயிற்சியை செய்திருக்கிறார்.

உடல் எடையை குறைக்க வேண்டுமென்றால், உடலில் இருக்கும் ஆற்றல் மட்டும் போதாது. மனதிலும் நிறைய வலிமை இருக்க வேண்டுமென கூறப்படுகிறது. இதை முன்கூட்டியே தெரிந்து கொண்ட ஸ்வேதா, தான் என்ன செய்கிறோம், என்ன சாப்பிடுகிறோம் என்பதில் மிகுந்த கவனத்துடன் இருந்திருக்கிறார்.

மனதை ஓரளவிற்கு ஃபிட்-ஆக வைத்துக்கொண்டால்தான் தன்னால் இப்படியே முன்னேறி செல்ல முடியும் என்று புரிந்து கொண்ட அவர், அதற்கான மன வலிமையையும் வளர்த்துக்கொண்டார். இது அவருக்கு உடல் எடை குறைப்பு விஷயத்தில் நன்றாகவே உதவி இருக்கிறது.

ஸ்வேதா, தன்னால் முடிந்த அளவிற்கு மட்டும் இலக்குகளை வைத்துள்ளார். உதாரணத்திற்கு தன்னால் ஒரு வாரத்திற்கு இவ்வளவு கிலோதான் குறைக்க முடியும் என்றால், அத்தனை கிலோக்களை மட்டும் குறைத்திருக்கிறார். இதை அவர் தொடர்ந்து செய்ததால், அவரால் தான் நினைத்த எடையை தற்போது குறைக்க முடிந்திருக்கிறது.

உடல் எடையை குறைக்க நினைக்கும் பலர், அதனை வேகமாக செய்ய வேண்டும் என்கிற காரணத்திற்காக சில தவறான முடிவுகளை எடுப்பர். அதிகமாக டயட்டில் இருப்பது, சாப்பிடாமல் இருப்பது உள்ளிட்டவை அதில் அடங்கும். ஆனால், உண்மையில் நாம் நமது வாழ்வில் சில வாழ்வியல் மாற்றங்களை கொண்டு வந்தாலும், அதனை தொடர்ந்து பின்பற்றி வந்தாலும், உடல் எடையானது குறையாமல் இருக்காது.

அதைத்தான், ஸ்வேதாவும் செய்திருக்கிறார். இவர், தனது டயட் மற்றும் உடற்பயிற்சியை தினசரி வாழ்வில் கொண்டு வந்த பிறகு இப்போது எடையை குறைத்திருக்கிறார்.