முதல் படத்தில் பிரபு தேவா; கடைசி படத்தில் விஜயுடன் குத்தாட்டம்: தமிழில் நடிக்காதது குறித்து ஷில்பா ஷெட்டி ஓபன்!

பிரேம் இயக்கத்தில் துருவா சார்ஜா, சஞ்சய் தத், ஷில்பா ஷெட்டி ஆகியோர் நடித்துள்ள 'கே.டி. தி டெவில்' திரைப்படம் விரைவில் வெளியாகிறது.

சென்னையில் நடந்த பட விழாவில் ஷில்பா ஷெட்டி பங்கேற்று பேசும்போது, ''சென்னை எனக்கு மிகவும் பிடித்த இடம். பலமுறை படப்பிடிப்புகளுக்காக சென்னை வந்திருக்கிறேன். எனக்கு பிடித்த தமிழ் உணவு மசாலா தோசை" என்று கூறினார்.

ஷில்பா ஷெட்டி இரண்டு தமிழ் படங்களில் தோன்றியுள்ளார்: மிஸ்டர் ரோமியோ (1996) மற்றும் குஷி (2000)

மிஸ்டர் ரோமியோவில், அவர் பிரபு தேவா மற்றும் மதுவுடன் இணைந்து நடித்தார். எஸ்.ஜே. சூர்யா இயக்கிய குஷி படத்தில் விஜய் முக்கிய வேடத்தில் நடித்தார்.

"தமிழில் 'மிஸ்டர் ரோமியோ' படப்பிடிப்பின்போது பிரபுதேவாவும், வடிவேலுவும் எனக்கு தமிழ் சொல்லிக்கொடுத்தனர். அதெல்லாம் மறக்க முடியாத அனுபவம்" என்று நெகிழ்ச்சியுடன் கூறினார்.

"குஷி' படத்தில் விஜய்யுடன் குத்தாட்டம் போட்டதையும் மறக்க முடியாது. அதன்பிறகு, சொல்லிக்கொள்ளும்படியான பெரிய படங்கள் எனக்கு தமிழில் வரவில்லை. அதனால் தான் தமிழில் படங்கள் நடிக்கவில்லை'', என்றார்.