முட்டிகளில் கட்டிகள் வீக்கம் இருந்தால் எலும்பு புற்றுநோயாக இருக்கலாம்...எச்சரிக்கை மக்களே!

எலும்பு புற்றுநோய் ஏற்படும் போது எலும்புகளில் வீக்கமானது உண்டாகிறது. தொடர்ந்து வீக்கம் மற்றும் கடுமையான வலியானது ஏற்படுகிறது. இந்த வலி போகப் போக இரவில் இன்னும் மோசமாகலாம்.

எலும்பு புற்றுநோய் இருந்தால் திடீரென விவரிக்க முடியாத அளவுக்கு எடை இழப்பு ஏற்படும். ஏனெனில் எடை இழப்பு முயற்சிகள் எதுவும் செய்யாத நிலையில் உங்கள் எடை திடீரென குறைந்தால் உடனடியாக மருத்துவரை அணுகி சிகிச்சை பெறுவது அவசியம்.

எலும்பு புற்றுநோய் இருந்தால் கடுமையான மிகுந்த சோர்வு உண்டாகும். இதுவும் எலும்பு புற்றுநோயின் அறிகுறியாகும். உங்களுக்கு தொடர்ச்சியான சோர்வோ அல்லது நாள்பட்ட சோர்வோ காணப்பட்டால் உடனே மருத்துவரை அணுகி பரிசோதனை செய்யுங்கள். தேவையெனில் முழுமையான உடல் பரிசோதனையும் மேற்கொள்ளுங்கள்.

எலும்பு புற்றுநோய் காரணமாக மூட்டுகளில் விறைப்பு ஏற்படலாம். மூட்டு வலி மற்றும் விறைப்பு பிரச்சினைகள் இருந்தால் உடனே மருத்துவரை அணுகி சிகிச்சை பெறுங்கள்.

எலும்பு புற்றுநோயின் மற்றொரு முக்கியமான அறிகுறி காய்ச்சல் ஆகும். உங்களுக்கு தொடர்ச்சியான காய்ச்சல் இருந்தால் சாதாரணமாக விடாதீர்கள். தொடர்ச்சியான காய்ச்சல் இருந்தால் உடனே மருத்துவரை அணுகி சிகிச்சை பெறுவது அவசியம்.

புற்றுநோய் செல்களின் அசாதாரண வளர்ச்சியால் எலும்புகளில் கட்டிகள் ஏற்படலாம். எலும்புகளில் வீக்கம் மற்றும் கட்டிகள் இருந்தாலும் அலட்சியம் வேண்டாம்.

இரவில் அதிகளவு வியர்வை வெளியேறுவது உங்கள் ஆரோக்கியத்திற்கு தீங்கு விளைவிக்கும் அறிகுறிகளுள் ஒன்றாகும். . எனவே இரவில் உங்களுக்கு வியர்த்து விறு விறுத்தால் மருத்துவரை அணுகி சிகிச்சை பெறுங்கள். ஏனெனில் இது புற்றுநோய் அறிகுறியாக இருக்கலாம்.

எலும்பு புற்றுநோயின் இந்த ஆரம்ப அறிகுறிகளை அலட் சியம் செய்யாமல் மருத்துவரை அணுகுங்கள்.