சிவாஜி கையில் சிறு பிள்ளை; இந்த சிறுமி இப்போ அம்மா நடிகை: யார்னு கண்டுபிடிங்க!

சமீப காலமாக சமூக வலைதளங்களில் முன்னணி நடிகர், நடிகைகளின் குழந்தைப் பருவ புகைப்படங்கள் பகிரப்பட்டு வைரலாகி வருகிறது. அந்த வகையில், தற்போது சமூக வலைதள பக்கத்தில் வைரலாகி வரும் புகைப்படங்களுள் இந்தப் படமும் ஒன்று. இந்தப் படத்தில் ஜாம்பவான் நடிகரான சிவாஜி கணேசன் கையில் பெண் குழந்தை ஒருவர் இருக்கிறார். இந்தப் படத்தை தனது இன்ஸ்டாகிராம் பக்கத்தில் பகிர்ந்துள்ள நடிகை வனிதா விஜயகுமார்.

மேலும், வனிதா விஜயகுமார் அந்தப் புகைப்படத்தின் பதிவில், 'என்னுடைய முதல் பிறந்தநாளில் எடுத்த படம்' என்று குறிப்பிட்டு இருக்கிறார். இதன் மூலம், அப்படத்தில் இருப்பவர் நடிகை வனிதா விஜயகுமார் என்பது உறுதியாகிறது. அவரின் இந்தப் பதிவிற்கு ரசிகர்கள் பலரும் லைக்ஸ் மழை பொழிந்துள்ளனர்.

கடந்த 1995 ஆம் ஆண்டு, தமிழில் நடிகர் விஜய்யுடன் இணைந்து சந்திரலேகா படத்தில் நடிகையாக வனிதா அறிமுகமானார். பிறகு, 1996 ஆம் ஆண்டு மாணிக்கம் திரைப்படத்தில் வனிதா ராஜ்கிரணுடன் இணைந்து நடித்தார். பின்னர் அவர் மலையாளத் திரைப்படமான ஹிட்லர் பிரதர்ஸ் (1997) மற்றும் தெலுங்கு படமான தேவி ஆகியவற்றில் நடித்தார்.

ஆகாஷுடனான முதல் திருமணத்திற்குப் பிறகு, அவர் நடிப்பை விட்டு வெளியேறினார், பின்னர் 2010-களின் நடுப்பகுதியில் நான் ராஜாவாக போகிரேன் மற்றும் சும்மா நச்சுனு இருக்கு ஆகிய படங்களில் துணைக் கதாப்பாத்திரங்களில் நடித்தார். 2019 இல் பிக் பாஸ் தமிழின் மூன்றாவது சீசனிலும் அவர் தோன்றினார். டி.வி ஷோ-களிலும் வலம் வந்த அவர், குக் வித் கோமாளி சீசன் 1ல் களமிறங்கி டைட்டில் வின்னர் அடித்தார்.

தற்போது வனிதா சில திரைப்படங்களில் முக்கிய கதாபாத்திரங்களில் நடித்து வருகிறார். இதனிடையே, நடிகை வனிதா 'மிஸ்டர் அண்ட் மிஸஸ்' படத்தில் நடித்திருக்கிறார். தனது மகள் ஜோவிகா விஜயகுமார் தயாரிப்பில் உருவாகியுள்ள இப்படம் வருகிற ஜூலை 4-ம் தேதி வெளியாகவுள்ளது.