காரசாரமான சிக்கன் ரோஸ்ட்... இப்படி செஞ்சா டேஸ்ட் அல்டி!

தேவையான பொருட்கள்:

சிக்கன் - 1 கிலோ (சிறு துண்டுகளாக நறுக்கியது), வெங்காயம் - 2 (நறுக்கியது), தக்காளி - 2 (நறுக்கியது), இஞ்சி பூண்டு விழுது - 2 தேக்கரண்டி, மிளகாய் தூள் - 2-3 தேக்கரண்டி (காரத்திற்கேற்ப), மல்லி தூள் - 1 தேக்கரண்டி, சீரக தூள் - 1/2 தேக்கரண்டி, மஞ்சள் தூள் - 1/4 தேக்கரண்டி, கரம் மசாலா - 1/2 தேக்கரண்டி, பச்சை மிளகாய் - 2 (நறுக்கியது), கறிவேப்பிலை - சிறிது, எண்ணெய் - தேவையான அளவு, உப்பு - தேவையான அளவு.

ஒரு பாத்திரத்தில் சிக்கனை எடுத்து, அதில் இஞ்சி பூண்டு விழுது, மிளகாய் தூள், மல்லி தூள், சீரக தூள், மஞ்சள் தூள், கரம் மசாலா மற்றும் உப்பு சேர்த்து நன்கு கலந்து, 30 நிமிடம் ஊற வைக்கவும்.

ஒரு கடாயில் எண்ணெய் ஊற்றி சூடானதும், நறுக்கிய வெங்காயம் சேர்த்து பொன்னிறமாகும் வரை வதக்கவும்.

பிறகு நறுக்கிய தக்காளி மற்றும் பச்சை மிளகாய் சேர்த்து வதக்கவும்.

அடுத்து, ஊறவைத்த சிக்கனை சேர்த்து நன்கு கிளறி விடவும்.

தேவையான அளவு தண்ணீர் சேர்த்து, கறிவேப்பிலை சேர்த்து கிளறி, மூடி போட்டு வேக வைக்கவும்.

இடையிடையே கிளறி, சிக்கன் வெந்ததும், தண்ணீர் வற்றும் வரை வதக்கவும்.

சுவையான காரசாரமான சிக்கன் ரோஸ்ட் தயார்!