ரத்த ஓட்டம் மேம்படும், முதுகு வலியைக் குறைக்கும்: ஏரியல் யோகாவுல இவ்வளவு நன்மை இருக்கா?

நடிகை டாப்ஸி இந்த முறை ஏரியல் யோகாவின் மூலம் மீண்டும் தனது ரசிகர்களை கவர்ந்துள்ளார்.

இந்த தனித்துவமான உடற்பயிற்சி தொடர்ந்து பிரபலமடைந்து வருவதால், உடற்பயிற்சிக்கான டாப்ஸியின் அர்ப்பணிப்பு, தங்கள் ஏரியல் யோகா பயணத்தைத் தொடங்க விரும்பும் எவருக்கும் ஒரு மதிப்புமிக்க உத்வேகமாகவும் உள்ளது.

ஏரியல் யோகா முதுகெலும்பு ஆரோக்கியத்திற்கு சிறந்தது என்று யோகா பயிற்சியாளர் பிரசாந்த் சிங் கூறுகிறார். (certified Iyengar Yoga practitioner, Bengaluru)

தலைகீழ், தொங்கும் போஸ்கள் முதுகெலும்பு டிஸ்க்குகளில் அழுத்தத்தை குறைக்கின்றன, இது முதுகுவலியைக் குறைக்கும் மற்றும் தோரணையை மேம்படுத்தும். நாள்பட்ட முதுகுவலி உள்ளவர்களுக்கு இது மிகவும் சாதகமானது.

ஏரியல் யோகாவில் பல்வேறு அசைவுகள் தலைகீழ் போஸ்கள் ரத்த ஓட்டத்தை மேம்படுத்துகிறது, இதய ஆரோக்கியத்தை மேம்படுத்துகிறது.

ஏரியல் யோகாவில் தேவைப்படும் நினைவாற்றல் மன அழுத்தத்தையும் பதட்டத்தையும் குறைக்க உதவுகிறது. சமநிலை மற்றும் கட்டுப்படுத்தப்பட்ட இயக்கங்களில் கவனம் செலுத்துவது தியான நிலையை ஊக்குவிக்கிறது, மனத் தெளிவையும் மேம்படுத்துகிறது.

பாதுகாப்பு மிக முக்கியமானது, குறிப்பாக ஆரம்பநிலைக்கு வருபவர்களுக்கு, என்று சிங் வலியுறுத்துகிறார்.

சரியான நுட்பங்கள் மற்றும் மாற்றங்களைக் கற்றுக்கொள்ள சான்றளிக்கப்பட்ட பயிற்றுவிப்பாளருடன் தொடங்கவும்.

உங்கள் தசைகளை வார்ம் அப் செய்வதற்கு மென்மையான ஸ்ட்ரெட்ச் மற்றும் கேட் கெள, டவுன்வார்ட் டாக், மற்றும் சைல்ட் போஸ் போன்ற அடிப்படை யோகாசனங்களுடன் தொடங்குங்கள்.