ஆப்பிள் நிறுவன சி.இ.ஓ.வுடன் சித்தார்த் - அதிதி; ரீசன்ட் க்ளிக்ஸ் வைரல்

ஆப்பிள் நிறுவன சி.இ.ஓ.-வுடன் நடிகர் சித்தார்த் மற்றும் அதிதி ராவ் ஆகியோர் எடுத்துக்கொண்ட புகைப்படங்கள் தற்போது இணையத்தில் வைரலாகி வருகிறது.

தமிழ் சினிமாவில் முன்னணி இளம் நடிகராக வலம் வருபவர் சித்தார்த். தமிழ் தெலுங்கு மலையாளம் என தென்னிந்திய மொழிகளில் பல படங்களில் நடித்து வருகிறார்.

சமீபத்தில் வெளியான இந்தியன் 2 படத்தில் முக்கிய கேரக்டரில் நடித்திருந்த சித்தார்த்த, அதற்கு முன்பு சித்தா என்ற பெரிய வெற்றிப்படத்தை கொடுத்திருந்தார்.

அதேபோல் மணிரத்னம் இயக்கத்தில் வெளியான காற்று வெளியிடை என்ற படத்தின் மூலம் அறிமுகமாக அதிதி ராவ் அதன்பிறகு செக்க சிவந்த வானம் படத்தில் நடித்திருந்தார்.

சித்தார்த் அதிதி ராவ் இருவரும் காதலிப்பதாக கடந்த மார்ச் மாதம் அறிவித்திருந்தனர். மேலும் இருவரும் இணைந்து அப்போது வெளியிட்ட புகைப்படங்கள் இணையத்தில் வைரலாக பரவியது.

தற்போது ஜாலியாக இருவரும் சுற்றுலா சென்றுள்ள நிலையில், ஆப்பிள் நிறுவனத்தின் சி.இ.ஓ டிம் குக்குடன் இணைந்து புகைப்படம் எடுத்துள்ளனர். இந்த புகைப்படம் தற்போது வைரலாகி வருகிறது.

இது ஒரு மறக்க முடியாத மாயாஜால அனுபவம் என்று நடிகை அதிதிராவ் தனது இன்ஸ்டாகிராம் பக்கத்தில் புகைப்படங்களை வெளியிட்டுள்ளார்.