முதலாம் ஆண்டு திருமண நாள்: கணவருடன் கீர்த்தி பாண்டியன்; ரொமான்டிக் க்ளிக்ஸ்

பழம்பெரும் நடிகர் அருண் பாண்டியனின் மகள் என்ற அடையாளத்துடன் சினிமாவில் அறிமுகமானவர் கீர்த்தி பாண்டியன்.

கீர்த்தி பாண்டியன் நடிப்பில் 2019-ம் ஆண்டு தும்பா என்ற படம் வெளியானது. இதுவே அவர் அறிமுகமான முதல் படமாகும்.

தனது அப்பா அருண் பாண்டியனுடன் இணைந்து அன்பிற்கினியாள் என்ற படத்தில் நடித்திருந்தார்.

அன்பிற்கினியாள் படம் விமர்சனரீதியாக பாராட்டப்பட்ட நிலையில், அடுத்து கண்ணகி என்ற படத்தில் நடித்திருந்தார்.

கண்ணகி படம் கடந்த ஆண்டு வெளியான நிலையில், இளம் நடிகர் அசோக் செல்வனை காதலித்த கீர்த்தி பாண்டியன் கடந்த ஆண்டு அவரை திருமணம் செய்துகொண்டார்.

கணவர் அசோக் செல்வனுடன் கீர்த்தி பாண்டியன் இணைந்து நடித்த ப்ளூ ஸ்டார் திரைப்படம் நல்ல வரவேற்பை பெற்றிருந்தது.

சமூகவலைதளங்களில் ஆக்டீவாக இருக்கும் கீர்த்தி பாண்டியன் அவ்வப்போது புகைப்படங்கள் மற்றும் வீடியோ பதிவுகளை வெளியிட்டு வருகிறார்.

தற்போது திருமணமாகி ஒரு வருடம் முடிந்துள்ள நிலையில், கீர்த்தி பாண்டியன் தனது கணவர் அசோக் செல்வனுடன் இணைந்து வெளியிட்டுள்ள புகைப்படங்கள் வைரலாகி வருகிறது.