மாடர்ன் உடையில் தளபதி 69 நடிகை: பர்த்டே க்ளிக்ஸ் வைரல்

தமிழில் முகமூடி பீஸ்ட் உள்ளிட்ட படங்களில் நடித்த நடிகை பூஜா ஹெக்டே சமீபத்தில் வெளியிட்டுள்ள போட்டோஷூட் புகைப்படங்கள் இணையத்தில் வைரலாகி வருகிறது.

இந்திய சினிமாவின் முன்னணி நடிகைகளில் ஒருவரான பூஜா ஹெக்டே கடந்த 2012-ம் ஆண்டு வெளியான முகமூடி படத்தின் மூலம் தமிழில் அறிமுகமானவர்.

அதன்பிறகு சரியான வாய்ப்பு கிடைக்காத இவர் தெலுங்கில் கவனம் செலுத்தினார். 2014-ம் ஆண்டு தெலுங்கில் வெளியான ஒக்க லைலா கோசம் என்ற படத்தின் மூலம் அறிமுகமானார்.

முகுந்தா சாக்ஷியம், மகரிஷி, ஆலா வைகுந்தபுரம்லோ உள்ளிட்ட பல வெற்றிப்படங்களில் நடித்துள்ளார். தெலுங்கில் முன்னணி நடிகர்கள் பலருடன் இணைந்து பல வெற்றிப்படங்களை கொடுத்துள்ளார்.

பூஜா ஹெக்டே பீஸ்ட் படத்தின் மூலம் மீண்டும் தமிழில் என்ட்ரி ஆனார். ஆனால் துரதிஷ்டவசமாக இந்த படம் பல எதிர்மறையாக விமர்சனங்களை பெற்றது.

தற்போது சூர்யாவுடன், சூர்யா 44 படத்தில் நடித்து வரும் பூஜா ஹெக்டே, அடுத்து தளபதி 69 படத்திலும் கமிட் ஆகியுள்ளார்.

கடந்த அக்டோபர் 13-ந் தேதி தனது பிறந்த நாளை இலங்கையில் கொண்டாடிய பூஜா ஹெக்டே, இது தொடர்பான புகைப்படங்களை வெளியிட்டுள்ளார்.