காதலரை கரம் பிடித்த தருணம்: உச்சக்கட்ட மகிழ்ச்சியில் ரம்யா பாண்டியன்; வைரல் க்ளிக்ஸ்

பிரபல நடிகை ரம்யா பாண்டியன் யோகா பயிற்சியாளர் லவ்ல் தவானை காதலித்து திருமணம் செய்துகொண்ட நிலையில், திருமணம் தொடர்பான புகைப்படங்களை தனது இன்ஸ்டாகிராம் பக்கத்தில் வெளியிட்டுள்ளார்.

தமிழ் சினிமாவின் பிரபல இயக்குனர் துரை பாண்டியனின் மகள் மற்றும் நடிகரும் தயாரிப்பாளருமான அருண் பாண்டியனின் அண்ணன் மகள் என்ற அடையாளத்துடன் சினிமாவில் அறிமுனமாவர் ரம்யா பாண்டியன்.

தமிழில் கடந்த 2015-ம் ஆண்டு வெளியான டம்மி பட்டாசு என்ற படத்தின் மூலம் நாயகியாக அறிமுகமானவர் ரம்யா பாண்டியன். தொடர்ந்து ஜோக்கர் என்ற படத்தில் நடித்து கவனம் ஈர்த்த இவர், அடுத்து சமுத்தரக்கனியுடன் ஆண் தேவதை என்ற படத்தில் நடித்திருந்தார்.

இந்த இரு படங்களுமே ரம்யா பாண்டியனுக்கு நல்ல பாராட்டுக்களை பெற்று தந்தது. சூர்யா தயாரிப்பில் ஒடிடி தளத்தில் வெளியான ராமன் ஆண்டாலும் ராவணன் ஆண்டாலும் என்ற படத்திலும் ரம்யா பாண்டியன் நடித்திருந்தார்.

கடந்த 2023-ம் ஆண்டு வெளியான நன்பகல் நேரத்து மயக்கம் என்ற படத்தில் மம்முட்டியுடன் ரம்யா பாண்டியன் நடித்திருந்தார். இந்த படம் மலையாள சினிமா மட்டுமல்லாமல் தமிழ் சினிமாவிலும் நல்ல வரவேற்பை பெற்ற படமாக அமைந்தது.

விஜய் டிவியின் குக் வித் கோமாளி நிகழ்ச்சியின் மூலம் சின்னத்திரையில் அறிமுகமான இவர், பிக்பாஸ் சீசன் 4 பிக்பாஸ் அல்டிமேட் உள்ளிட்ட ரியாலிட்டி ஷோக்களில் பங்கேற்றிருந்தார்.

யோகா பயிற்சியாளர் லவ்ல் தவானை காதலித்த ரம்யா பாண்டியன் அவரை இரு வீட்டார் சம்மதத்துடன் கடந்த நவம்பர் 8-ந் தேதி ரிஷினேஷில் திருமணம் செய்துகொண்டார்.

இந்த திருமணம் தொடர்பான செய்திகள் வெளியாகிய நிலையில், தற்போது ரம்யா பாண்டியன் தனது திருமண புகைப்படங்களை இன்ஸ்டாகிராம் பக்கத்தில் வெளியிட்டுள்ளார்.

இந்த புகைப்படங்கள் வைரலாகி வரும் நிலையில், நெட்டிசன்கள், ரசிகர்கள் என பலரும் அவருக்கு வாழ்த்துக்களை தெரிவித்து வருகின்றனர்.