மீண்டும் வடிவேலு - சுந்தர்.சி கூட்டணி: கைப்புள்ள ரீ-என்ட்ரி கொடுப்பாரா? ஃபர்ஸ்ட் லுக் வைரல்!

தமிழ் சினிமாவில் காமெடியில் உச்சம் தொட்டவர் வைகை புயல் வடிவேலு. இவரின் காமேடி காட்சிகள், காமெடி வசனங்கள் இன்று பிரபலமான மீம்ஸ்களாக வந்து கொண்டு இருக்கிறது.

பல முன்னணி நடிகர்கர்களுடன் இணைந்து காமெடியில் கலக்கியுள்ள வடிவேலு, சத்யராஜ், பார்த்திபன் ஆகியோருடன் நடித்த காட்சிகள் இன்றும் கொண்டாடப்பட்டு வருகிறது.

அதேபோல் இயக்குனர் சுந்தர் சி இயக்கத்தில் வெளியான வின்னர், லண்டன், உள்ளிட்ட பல படங்களில் வடிவேலுவின் காமெடி அசத்தலாக இருக்கும்.

குறிப்பாக சுந்தர்.சி நடித்த தலைநகரம், நகரம் உள்ளிட்ட படங்களில் சுந்தர்.சி வடிவேலு கூட்டணி பெரிய வரவேற்பை பெற்று காமெடியில் அசத்தியிருப்பார்கள்.

இதனிடையே கடந்த சில வருடங்களுக்கு முன்பு, வடிவேலு – சுந்தர்.சி இடையே மோதல் ஏற்பட்டதை தொடர்ந்து இருவரும் பிரிந்தனர். இதில் வடிவேலு பட வாய்ப்பு இல்லாமல் வீட்டில் முடங்கினார்.

சுந்தர்.சி, விவேக், சந்தானம், சூரி, யோகிபாபு, ஆகிய காமெடி நடிகர்களுடன் கூட்டணி அமைத்து தனது படங்களை இயக்கி வந்தார்.

அரண்மனை 4 படத்திற்கு பிறகு தற்போது சுந்தர்.சி புதிய படம் ஒன்றை இயக்கி வருகிறார். சில ஆண்டுகள் இடைவெளிக்கு பிறகு இந்த படத்தில் சுந்தர்.சி – வடிவேலு காம்போ இணைந்துள்ளது.

இன்று வடிவேலு பிறந்த தினத்தை முன்னிட்டு இந்த படத்தின் டைட்டில் மற்றும் ஃபர்ஸ்ட் லுக் போஸ்டரை படக்குழு வெளியிட்டுள்ளது.

கேங்கர்ஸ் என்று டைட்டில் வைக்கப்பட்டுள்ள இந்த படத்தில், வடிவேலு சுந்தர்.சி இருவரும் முறைத்துக்கொள்வது போல் புகைப்படங்கள் வெளியாகியுள்ளது. தற்போது இந்த பதிவுகள் வரவேற்பை பெற்று வருகிறது.