சாஃப்ட் சப்பாத்திக்கு... டேஸ்டி சன்னா குருமா!

தேவையான பொருட்கள்

கொண்டக்கடலை - 1 கப் (இரவு முழுவதும் ஊறவைத்து, வேகவைத்தது), சின்ன வெங்காயம் - 1/2 கப் (நறுக்கியது), தக்காளி - 1 (நறுக்கியது), பச்சை மிளகாய் - 2 (நறுக்கியது), இஞ்சி பூண்டு விழுது - 1 தேக்கரண்டி, கறிவேப்பிலை - ஒரு கொத்து, மிளகாய் தூள் - 1 தேக்கரண்டி, தனியா தூள் - 1 தேக்கரண்டி, சீரக தூள் - 1/2 தேக்கரண்டி, மஞ்சள் தூள் - 1/4 தேக்கரண்டி, கரம் மசாலா - 1/4 தேக்கரண்டி, தேங்காய் பால் - 1/2 கப், எண்ணெய் - 2 தேக்கரண்டி, கடுகு, உளுத்தம் பருப்பு, காய்ந்த மிளகாய் - தாளிக்க, உப்பு - தேவையான அளவு, கொத்தமல்லி இலை - சிறிதளவு (நறுக்கியது).

ஒரு வாணலியில் எண்ணெய் ஊற்றி சூடானதும் கடுகு, உளுத்தம் பருப்பு, காய்ந்த மிளகாய் போட்டு தாளிக்கவும். சின்ன வெங்காயம், பச்சை மிளகாய், கறிவேப்பிலை சேர்த்து நன்றாக வதக்கவும்.

இஞ்சி பூண்டு விழுது சேர்த்து பச்சை வாசனை போகும் வரை வதக்கவும். தக்காளி சேர்த்து மசியும் வரை வதக்கவும்.

மசாலா பொடிகளை சேர்த்து ஒரு நிமிடம் வதக்கவும். வேகவைத்த கொண்டக்கடலை, உப்பு சேர்த்து கிளறி விடவும்.

தேவையான அளவு தண்ணீர் ஊற்றி, குருமா பதத்திற்கு கொதிக்க விடவும். தேங்காய் பால் சேர்த்து கிளறி, ஒரு கொதி வந்ததும் இறக்கவும்.

நறுக்கிய கொத்தமல்லி இலை தூவி அலங்கரித்து, சப்பாத்தியுடன் பரிமாறவும்.

அவ்வளவு தான்... சாஃப்ட் சப்பாத்திக்கு டேஸ்ட்டி சன்னா குருமா தயார்!