உங்க குக்கரில் விசில் வரலயா? வெறும் 5 ரூபாய் போதும்; இப்படி ட்ரை பண்ணுங்க!

இன்றைய காலக்கட்டத்தில் பிரஷர் குக்கர் ஒவ்வொரு சமையலறையிலும் ஒரு முக்கிய அங்கமாகிவிட்டன. அரிசி, பருப்பு மற்றும் இறைச்சி உள்ளிட்டவை சமைப்பதற்கும் வேக வைப்பதற்கும் தற்போது குக்கர் அதிகமாக பயன்படுத்தப்படுகிறது. ஆனால், சமையலறையில் நமது வேலையை குறைக்க உதவும் குக்கரும் சில நேரங்களில் நமக்கு தலைவலியாக மாறும்.

குக்கரில் அடிக்கடி இந்த ஒரு பிரச்சனை ஏற்படும். அது என்னவென்றால், குக்கரில் சில நேரம் முறையாக விசில் வராது. இதனை சரி செய்வதற்கான சில எளிய வழிமுறைகளை இந்த பதிவில் தெரிந்து கொள்ளலாம்.

இந்த சிக்கலை தீர்க்க சில எளிய வழிகள் உள்ளன. இதற்காக அதிக பணம் செலவழிக்க வேண்டிய அவசியமில்லை. வெறும் ரூ.5 செலவு செய்தால் மட்டும் போதும் என்று சொன்னால் உங்கலால் நம்ப முடிகிறதா?.

குக்கர் விசிலில் உள்ள வளையம் போன்ற பகுதியை முதலில் வெளியே எடுக்க வேண்டும். அதை வெளியே எடுத்துப் பார்த்தால், அதனுள் சிறியதாக இரண்டு போல்டுகள் இருக்கும். அந்த போல்டை அருகில் உள்ள கடையில் இருந்து வாங்கிக் கொள்ளலாம். இதன் விலை வெறும் ரூ.5 மட்டும் தான் இருக்கும்.

இந்த புது போல்டை உங்கள் குக்கரில் மாற்றினால் போதும். விசில் சரியாக வேலை செய்ய தொடங்கும். மேலும், குக்கரில் இருந்து தண்ணீர் வெளியேறுவதும் சரியாகிவிடும்.