15 - 20 வியாதி வராமல் தடுக்கும் இந்தக் காய்... மோரில் இப்படி ஊற வச்சு சாப்பிடுங்க: டாக்டர் ஆஷா லெனின்

சுண்டைக் காயை மோரில் கலந்து குடிக்கலாம். உப்பு கலக்காத சுண்டைக் காய் வத்தல்களை தொடர்ந்து சாப்பிடலாம். இதேபோல், தேவையான அளவு கொய்யாப் பழங்களையும் சாப்பிடலாம். மேலும், காலை உணவு சரியாக எடுத்துக் கொள்ளாதவர்களுக்கு சர்க்கரை நோய் வருவதற்கான சாத்தியக் கூறுகள் அதிகம் என மருத்துவர் ஆஷா லெனின் கூறியுள்ளார்.

சுண்டைக்காயில் நிறைய வைட்டமின்கள் மற்றும் மினரல்கள் நிறைந்து இருக்கின்றன. குறிப்பாக வைட்டமின் ஏ, வைட்டமின் சி, வைட்டமின் கே ஆகிய வைட்டமின்கள் இருக்கின்றன.

அவற்றோடு நார்ச்சத்துக்களும் சேர்ந்து இருக்கின்றன. அதைத்தாண்டி சுண்டைக்காய் என்றாலே அதில் அதிக அளவில் இருப்பது இரும்புச்சத்தும் கால்சியமும் தான். இதுதவிர நிறைய ஆன்டி ஆக்சிடண்ட்டுகளும் நுண் ஊட்டச்சத்துக்களும் இருக்கின்றன.

சுண்டைக்காயில் உள்ள நுண்ணூட்டச்சத்துக்கள் உடலில் சோடியம் அளவைச் சீராக்கும் தன்மை கொண்டது.

இந்த சுண்டைக்காயை மோரில் கலந்து குடிக்கும்போது சிறுநீரகக் கற்கள் மற்றும் பித்தப்பை கற்கள் வராமல் தடுக்கும். ஏற்கனவே உள்ள கற்களும் கரையும். சிறுநீர்ப்பையை சுத்தம் செய்யும்.