இதயம் முதல் கல்லீரல் வரை… இந்த தங்கபால் நிகழ்த்தும் அதிசயத்தை பாருங்க; டாக்டர் நித்யா

மஞ்சளில் உள்ள குர்குமின் ஆன்டிஆக்ஸிடன்ட், நோயெதிர்ப்பு சக்தியை அதிகரிக்கிறது. இது ரத்த ஓட்டத்தை அதிகரித்து, நிணநீர் மண்டலத்தை சுத்தப்படுத்தி, நச்சுக்களை வெளியேற்ற உதவுகிறது

இரவு தூங்க செல்வதற்கு முன் வெதுவெதுப்பான பாலில், மஞ்சள் கலந்து குடிப்பதால், அதில் இருக்கக்கூடிய அமினோ அமிலங்கள், டிரிப்டோபான் போன்ற வேதிப்பொருட்கள் தூக்கத்தை உண்டாக்ககூடிய ஹார்மோனை உடலில் உற்பத்தி செய்து நல்ல ஆழ்ந்த தூக்கத்திற்கு உதவும்.

மஞ்சளில் உள்ள குர்குமின் எனும் ஆன்டி ஆக்ஸிடண்ட் உடலில் நோய் எதிர்ப்பு சக்தியை அதிகரிக்கும். இதனால், பாக்டீரியா, வைரஸ் போன்ற தொற்றுகள் ஏற்படுவது தடுக்கப்படுகிறது. ஆகையால், தினசரி இரவு பாலில் மஞ்சள் கலந்து குடித்து வர நோய் எதிர்ப்பு சக்தி அதிகரிக்கும்

இந்த பாலில் இருக்கக்கூடிய ஆன்டி இன்பிளமேட்டரி பண்புகள், மூட்டுகளில் உண்டாகக்கூடிய இன்பிளமேஷனை தடுத்து மூட்டு வீக்கம் மற்றும் வலியை குணமாக்குகிறது.

ஆயுர்வேத மருத்துவ முறைகளில், இரத்தத்தை சுத்தப்படுத்தும் மருந்தாக மஞ்சளை பயன்படுத்துகின்றனர். இது ரத்தத்தில் இருக்கும் தேவையில்லாத நச்சு கழிவுகளை வெளியேற்றி இரத்தத்தை சுத்தப்படுத்துவதோடு, இரத்த ஓட்டத்தை சீராக்கும்.

பாலில் இருக்கக்கூடிய கால்சியம், எலும்பு ஆரோக்கியத்தை மேம்படுத்தும். மேலும், மஞ்சள் எலும்பு தேய்மானத்தை தடுப்பதால், மஞ்சள் கலந்த பால் குடித்து வருவது எலும்பிற்கு பல நன்மைகளை தருகின்றது.