இந்த காய்கறிகளை சமைத்துதான் சாப்பிட வேண்டும்... !

காய்கறிகள்தான் நன் ஆரோக்கியத்திற்கு தேவையான ஊட்டச்சத்துகளை அளிப்பதால் அவற்றை அதிகமாக எடுத்துக்கொள்ள மருத்துவர்கள் பரிந்துரைக்கின்றனர். எனவே அன்றாட உணவில் காய்கறிகள் நிச்சயம் இருக்கும். சில காய்கறிகளை சமைக்காமல் பச்சையாக சாலட் போல் உட்கொள்வார்கள். சில காய்கறிகளை சமைத்து சாப்பிடுவதை விட பச்சையாக சாப்பிட்டால் அதன் சத்துக்கள் முழுமையாக கிடைக்கும் என்கின்றனர். ஆனால் அவ்வாறு பச்சையாக சாப்பிடுவதன் மூலம் சில பிரச்சனைகள் இருக்கிறது. அவை என்ன என்பதை விரிவாக பார்க்கலாம்.

ஆயுர்வேதத்தின்படி, பல காய்கறிகளை பச்சையாக சாப்பிடுவது தடைசெய்யப்பட்டுள்ளது. கடந்த சில ஆண்டுகளில் பூச்சிக்கொல்லிகளின் பயன்பாடு வியத்தகு அளவில் அதிகரித்துள்ளது. எனவே, காய்கறிகளை பச்சையாக சாப்பிடக்கூடாது. ரசாயன உரங்கள் இல்லாமல் வளர்க்கப்படும் காய்கறிகளை பச்சையாகவே சாப்பிடலாம். பலர் குடைமிளகாயை பச்சையாகவே சாப்பிடுவார்கள், ஆனால் குடைமிளகாயை பச்சையாக சாப்பிடக்கூடாது. நீங்கள் குடைமிளகாய் பயன்படுத்தும் போதெல்லாம், அதை வேகவைக்க வேண்டும் அல்லது சமைக்க வேண்டும்.

கேப்சிகம் தவிர, முட்டைக்கோஸ் மற்றும் காலிஃபிளவரை பச்சையாக சாப்பிடக்கூடாது. நம் கண்ணுக்குத் தெரியாத பல வகையான பூச்சிகளுக்கு முட்டைக்கோஸ் தாயகமாகும். எனவே, இதைப் பச்சையாகச் சாப்பிடுவது செரிமான அமைப்பைப் பாதிக்கிறது.

கீரையை பச்சையாக சாப்பிடக்கூடாது.. பலர் கீரையை பச்சையாக, துண்டுகளாக கிழித்து சாப்பிடுகிறார்கள். ஆனால் கீரையில் நிறைய பூச்சிகள் உள்ளன, முக்கியமாக ஈ.கோலை பாக்டீரியா. இது உடலுக்கு தீங்கு விளைவிக்கும். எனவே, இந்த பச்சை காய்கறிகளை சாப்பிடுவதற்கு முன்பு லேசாக ஆவியில் வேகவைக்கவும்.