தமிழ் சினிமா வசூல் நாயகன்; இவருக்கு பெண் ரசிகைகள் அதிகம்: இப்போ இவர் சினிமாவில் இல்லையே!

சமீப காலமாக சமூக வலைதளங்களில் முன்னணி நடிகர், நடிகைகளின் குழந்தைப் பருவ புகைப்படங்கள் பகிரப்பட்டு வைரலாகி வருகிறது. அந்த வகையில், தற்போது சமூக வலைதள பக்கத்தில் வைரலாகி வரும் புகைப்படங்களுள் இந்தப் படமும் ஒன்று. இந்தப் புகைப்படத்தில் இருப்பவர் நடிகர் விஜய்.

தமிழ் சினிமாவில் உச்ச நட்சத்திரமாக வலம் வரும் விஜய், கடந்த 1992 ஆம் ஆண்டில் வெளிவந்த நாளை தீர்ப்பு படம் மூலம் கதாநாயகனான அறிமுகமானார். ஆனால், விஜய் 1984 ஆம் ஆண்டு 'வெற்றி' படத்தில் குழந்தை நட்சத்திரமாக அறிமுகமாகி இருந்தார்.

நாளை தீர்ப்பு படத்திற்குப் பிறகு, ரொமான்டிக் படங்களில் நடிக்கத் தொடங்கிய விஜய்க்கு பூவே உனக்காக (1996), காதலுக்கு மரியாதை (1997), துள்ளாத மனமும் துள்ளும் (1999) போன்ற படங்கள் திருப்புமுனையாக அமைந்தன. மேலும், விமர்சன ரீதியாகவும் வணிக ரீதியாகவும் வெற்றி பெற்றன.

இதன்பிறகு, ஆக்சன் ஹீரோவாக களமிறங்கிய விஜய்க்கு கில்லி (2004), போக்கிரி (2007), துப்பாக்கி (2012), கத்தி (2014) போன்ற படங்கள் கை கொடுத்தன. இதேபோல் மெர்சல் (2017), சர்க்கார் (2018), மாஸ்டர் (2021), லியோ (2023), வாரிசு (2023) போன்ற படங்கள் பிளாக்பஸ்டர் ஹிட் அடித்தன. குஷி (2000), நண்பன் (2012), பிகில் (2019), பீஸ்ட் (2022) போன்ற படங்களும் பெரும் வரவேற்பை பெற்றன.

சினிமாவில் உச்சத்தில் இருக்கும் போதே விஜய், தனது 69-வது படமே கடைசி படம் என அறிவித்துவிட்டார். அவர் தற்போது தீவிர அரசியலில் ஈடுபட்டு வருகிறார். அவரது தலைமையிலான தமிழக வெற்றிக் கழகம் 2026 சட்டப்பேரவை தேர்தலுக்காக பரபரப்பாக தயாராகி வருகிறது.