தர்பூசணி பாசிப்பருப்பு கூட்டு... ரொம்ப ரொம்ப ஈஸி டிப்ஸ்!

தேவையான பொருட்கள்:

தர்பூசணி சதைப்பகுதி - 1 கப் (சிறு துண்டுகளாக வெட்டியது), பாசிப்பருப்பு - 1/2 கப், தேங்காய் துருவல் - 2 டேபிள்ஸ்பூன், பச்சைமிளகாய் - 2, சீரகம் - 1/2 டீஸ்பூன், மஞ்சள் தூள் - 1/4 டீஸ்பூன், கடுகு, கறிவேப்பிலை, எண்ணெய், உப்பு, கொத்தமல்லி தழை.

பாசிப்பருப்பை நன்கு கழுவி, 1 கப் தண்ணீரில் மஞ்சள் தூள் சேர்த்து வேக வைக்கவும்.

தேங்காய், பச்சைமிளகாய், சீரகம் சேர்த்து விழுதாக அரைக்கவும்.

கடாயில் எண்ணெய் ஊற்றி, கடுகு, கறிவேப்பிலை, வெங்காயம் சேர்த்து தாளிக்கவும்.

பின்பு தர்பூசணி துண்டுகளை சேர்த்து வதக்கவும்.

அடுத்து வேகவைத்த பாசிப்பருப்பு, அரைத்த விழுது, உப்பு சேர்த்து நன்கு கிளறவும்.

தேவையான அளவு தண்ணீர் ஊற்றி, கூட்டு கெட்டியாகும் வரை வேகவிடவும். கடைசியாக கொத்தமல்லி தழை தூவி பரிமாறவும்.

சுவையான தர்பூசணி கூட்டு தயார்!