நிலா மேற்பரப்பில் அசால்ட்டாக உலா வரும் ரோவர்; சந்திரயான் 3 லேண்டர் எடுத்த வீடியோ

இந்திய விண்வெளி ஆராய்ச்சி நிறுவனம் (இஸ்ரோ) வியாழக்கிழமை சந்திரயான் -3 மிஷனின் பிரக்யான் ரோவர் சந்திர மேற்பரப்பில் "அசால்ட்டாக சுழன்று உலாவி" வரும் வீடியோவைப் பகிர்ந்துள்ளது. லேண்டரின் கேமராவால் பதிவு செய்யப்பட்ட வீடியோ, பாதுகாப்பான பாதையைத் தேடி ரோவர் சுழல்வதைக் காட்டுகிறது.

ஆகஸ்ட் 23 அன்று சந்திரயான்-3 மிஷன் நிலவின் மேற்பரப்பில் மென்மையாக தரையிறங்கியது முதல், லேண்டர் மற்றும் ரோவர் பல அறிவியல் சோதனைகளை மேற்கொண்டு கடினமாக உழைத்து வருகின்றன. செவ்வாயன்று இஸ்ரோ சந்திர மேற்பரப்பின் வெப்பநிலை சுயவிவரத்தின் தரவை வெளியிட்டது, மேலும் சந்திரயான் -3 நிலவில் பல தனிமங்கள் இருப்பதைக் கண்டறிந்துள்ளது என்றும் கூறியது. மிகவும் குறிப்பிடத்தக்க வகையில், சல்பர் இருப்பதை உறுதிப்படுத்தும் சமிக்ஞைகளை இஸ்ரோ கண்டறிந்தது. இதன் மூலம் சந்திரனில் சல்பர் இருப்பதற்கான முதல் நேரடி ஆதாரத்தை இஸ்ரோ முன்வைத்தது.

இதையும் படியுங்கள்: ஸ்மைல் ப்ளீஸ்! நிலவில் விக்ரம் லேண்டரை முதல் முறையாக படம் எடுத்த பிரக்யான்

ரோவரில் உள்ள LIBS (லேசர் தூண்டப்பட்ட பிரேக்டவுன் ஸ்பெக்ட்ரோஸ்கோப்) கருவியானது பாறைகள் மற்றும் மண்ணிலிருந்து பிளாஸ்மாவை உருவாக்கக்கூடிய உயர் ஆற்றல் பல்சரைப் பயன்படுத்துகிறது. இந்த நிலையில், தனிமங்கள் அவற்றை அடையாளம் காணப் பயன்படும் பண்பு அலைநீளங்களில் கதிர்வீச்சை வெளியிடுகின்றன, என இஸ்ரோ தெரிவித்துள்ளது.

இஸ்ரோவின் சமீபத்திய வீடியோவில் காணப்படுவது போல, ரோவருக்கு எப்போதும் சீரான பயணம் இருப்பதில்லை. திங்களன்று, பிரக்யான் அதன் பாதைக்கு நேராக ஒரு பெரிய பள்ளத்தை எதிர்கொண்டதாக இஸ்ரோ அறிவித்தது, அதாவது ரோவர் தானாகவே தனது பாதையை மாற்றிக் கொள்ள வேண்டும். ரோவர் மற்றும் லேண்டர் இரண்டும் சந்திர நாளில் செயல்படும் வகையில் வடிவமைக்கப்பட்டுள்ளன.

ஒரு சந்திர நாள் பூமியில் சுமார் 14 நாட்களுக்கு சமம். ஆகஸ்ட் 23 அன்று சந்திரனில் பகல் நேரம் தொடங்கியது, அந்த நாளில் விக்ரம் லேண்டர் தரையிறங்கியது. சந்திர நாளில், சூரிய ஒளி தொடர்ந்து கிடைக்கும். மிஷனின் கருவிகள் சூரிய சக்தியில் இயங்குவதால், அவை ஒரு சந்திர நாளுக்கு மட்டுமே செயல்பட முடியும்.

மேலும், இரவு நேரத்தில் நிலவில் மிகவும் குளிராக இருக்கும், வெப்பநிலை மைனஸ் 100 டிகிரி செல்சியஸ் வரை இருக்கும். அத்தகைய குறைந்த வெப்பநிலையில் செயல்பட வடிவமைக்கப்படாத மின்னணுவியல் சாதனங்கள் "சந்திர இரவில்" வேலை செய்ய முடியாமல் போகலாம்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெறhttps://t.me/ietamil“