இந்திய விண்வெளி ஆராய்ச்சி நிறுவனம் (இஸ்ரோ) சந்திரயான்-3 விண்கலம் கொண்ட பேலோட் ஃபேரிங்கை ஜியோசின்க்ரோனஸ் லான்ச் வெஹிக்கிள் மார்க் III (ஜிஎஸ்எல்வி எம்கே-III) ராக்கெட் உடன் ஒருங்கிணைத்துள்ளது.
ஸ்ரீஹரிகோட்டாவில் உள்ள சதீஷ் தவான் விண்வெளி மையத்தில் இருந்து சந்திரயான்-3 விண்கலம் ஜூலை 13-ம் தேதி நிலவுக்கு ஏவப்பட உள்ளது. ஜி.எல்.எல்.வி எம்.கே-III இந்தியாவின் அதிக எடை கொண்ட ராக்கெட் ஆகும்.
பூமியின் ஒரே இயற்கையான செயற்கைக்கோளின் புவியியலை ஆராய்வதற்காக சந்திரயான்-3 விண்கலம் நிலவுக்கு அனுப்பபடுகிறது. சந்திரயான்-3 விண்கலம் 3900 கிலோகிராம் எடை கொண்டுள்ளது.
சந்திரயான்-3 திட்டம் குறித்து இஸ்ரோ தலைவர் எஸ்.சோம்நாத் கூறுகையில், இந்த திட்டத்தில் சந்திரனில் ஒரு மென்மையான தரையிறக்கத்திற்காக காத்திருக்கிறோம். ஜூலை 13 முதல் ஜூலை 19 வரை திட்டத்திற்கு சாத்தியமான நாளில் விண்கலம் ஏவப்படும் என்று கூறினார்.
ராக்கெட்டின் மேல் உள்ள பேலோட் ஃபேரிங் லேண்டர், ரோவர் ப்ராபல்ஷன் மாட்யூலுடன் ஒருங்கிணைக்கப்பட்டுள்ளது. விண்கலம்
லேண்டர், ரோவரை சுமந்து சென்று நிலவின் மேற்பரப்பில் தரையிறக்கும்.
சந்திரயான்-3 திட்டம் சந்திரயான்-2 திட்டத்தின் தொடர்ச்சியாகும். 2019-ல் நிலவுக்கு ஏவப்பட்ட சந்திரயான்-2 விண்கலம் நிலவின் மேற்பரப்பில் தரைறயிறங்க முயன்ற போது வேகமாக மோதி திட்டம் தோல்வியடைந்தது.
சந்திரயான்-3 மிஷன் நிலவின் தென் துருவத்தை ஆராய்வை நோக்கமாக கொண்டுள்ளது. திட்டம் வெற்றி பெற்றபின் நிலவின் வெற்றிகரமாக தரையிறங்கிய 4-வது நாடு என்ற பெருமையை இந்தியா பெறும்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2023/07/New-Project19.jpg)