விண்ணில் சந்திரயான் 3: 2-வது சுற்றுப் பாதைக்கு வெற்றிகரமாக நகர்த்திய இஸ்ரோ

Chandrayaan 3 - ISRO Tamil News: நிலவின் தென்துருவத்தை ஆய்வு செய்வதற்காக அனுப்பப்பட்ட சந்திரயான்-3 விண்கலம் கடந்த 14-ம் தேதி வெற்றி கரமாக விண்ணில் செலுத்தப்பட்டது. இந்த நிலையில், சந்திரயான் -3 விண்கலம் 2-வது புவிவட்ட சுற்றுப்பாதைக்கு உயர்த்தும் பணி வெற்றிகரமாக முடிந்தது எனவும், சுற்றுப்பாதையை உயர்த்தும் பணி மீண்டும் நாளை மதியம் 2 மணி முதல் 3 மணி வரை நடத்த திட்டமிட்டுள்ளதாகவும் இந்திய விண்வெளி ஆராய்ச்சி நிறுவனம் (இஸ்ரோ) தெரிவித்துள்ளது.

இதுதொடர்பாக இஸ்ரோவின் அதிகாரப்பூர்வ அறிக்கையில், 'அடுத்த மாதம் நிலவின் மேற்பரப்பில் மெதுவாக தரையிறங்கும் நம்பிக்கையில், சந்திரயான்-3 இப்போது பூமியை ஒரு நீள்வட்ட சுற்றுப்பாதையில் அதன் தொலைவில் 41,603 கிமீ மற்றும் பூமியின் மேற்பரப்பில் இருந்து மிக அருகில் 226 கி.மீ தொலைவில் (41,603 கிமீ x 226 கி.மீ. சுற்றுப்பாதையில்) சுற்றி வருகிறது.

இரண்டாவது சுற்றுப்பாதையை உயர்த்தும் நடவடிக்கை திங்கள்கிழமை நண்பகலில் நடைபெற்றது. இதற்கு முன், விண்கலம் பூமியிலிருந்து மிகத் தொலைவில் 41,762 மற்றும் அதன் மிக அருகில் 173 கிமீ தொலைவில் இருந்த சுற்றுப்பாதையில் நகர்ந்தது. அடுத்ததாக மூன்றாவது சுற்றுப்பாதையை உயர்த்தும் பணி செவ்வாய்க்கிழமை பிற்பகல் 2 மணி முதல் 3 மணி வரை நடைபெற உள்ளது." என்று கூறப்பட்டுள்ளது.

Chandrayaan-3 Mission:
The second orbit-raising maneuver (Earth-bound apogee firing) is performed successfully.

The spacecraft is now in 41603 km x 226 km orbit.

The next firing is planned for tomorrow between 2 and 3 pm IST.

— ISRO (@isro) July 17, 2023

விண்கலம் சந்திரனை நோக்கி நேரடியாகச் செல்லத் தொடங்கும் முன், தொடர்ந்து உயரமான சுற்றுப்பாதைகளுக்குச் செல்ல இதுபோன்ற 5 சுற்றுப்பாதையை உயர்த்தும் பணிகளைச் செய்ய வேண்டும். அங்கு சென்றதும், விண்கலம் சந்திரனின் மேற்பரப்பில் இருந்து 100 கி.மீ தொலைவில் உள்ள ஒரு வட்ட சுற்றுப்பாதையை அடையும் முன், சந்திரனைச் சுற்றியுள்ள குறைந்த சுற்றுப்பாதையில் மெதுவாகச் செல்ல இதே போன்ற பயிற்சிகளைச் செய்யும். குறிப்பிட்ட வட்டப்பாதையில் இருந்து, சந்திரனின் மேற்பரப்பில் இறுதியாக இறங்குதல் ஆகஸ்ட் 23 அல்லது 24 அன்று நடைபெறும்.

சந்திரயான்-3 முழு பயணத்தையும் சிக்கனமாக்குவதற்காக, சந்திரனுக்கு நேரடியாகச் செல்வதை விட, அதன் பயணத்தில் ஒரு சுற்றுப் பாதையில் செல்கிறது. சந்திரனுக்கு நேரிடையாக பயணம் செய்ய, சுமார் 4 நாட்கள் ஆகும். அப்படி விண்வெளிக்கு செல்ல அதிக கனமான ராக்கெட்டுகள் மற்றும் அதிக அளவு எரிபொருள் தேவைப்படும்.

அதற்கு பதிலாக, சந்திரயான் -3 பூமிக்கு அருகில் உள்ள சுற்றுப்பாதைக்கு கொண்டு செல்லப்பட்டது. தற்போது அங்கிருந்து அது புவியீர்ப்பு விசையைப் பயன்படுத்தி வேகத்தைப் பெறுகிறது. பின்னர் ஃபயர் த்ரஸ்டர்கள் முடுக்கி, அதிக சுற்றுப்பாதையை அடையும். இந்த செயல்முறையானது மிகக் குறைந்த அளவிலான எரிபொருளை எரிப்பதை உள்ளடக்கியது. ஆனால் சந்திரனை அடைய அதிக நேரம் எடுக்கும் என்பது குறிப்பிடத்தக்கது.