ஜூன் மாதத்தில் ஒரே வரிசையில் தோன்றும் 5 கிரகங்கள்; அவற்றை எவ்வாறு கண்டறிவது?

இரண்டு அல்லது மூன்று கிரகங்கள் ஒன்றாக இணைவது மிகவும் பொதுவான நிகழ்வு ஆனால் ஒரே நேரத்தில் ஐந்து கிரகங்களைப் பார்ப்பது அரிதான நிகழ்வு.

Science News
Five planets will align in the night sky in a rare conjunction in June

ஸ்கை & டெலஸ்கோப் படி, உலகெங்கிலும் உள்ள நட்சத்திர பிரியர்கள் ஜூன் மாதத்தில் ஒரு அரிய வான விருந்தை காண முடியும்.

சூரியன் உதிக்கும் முன், ஐந்து கோள்கள் இரவு வானில் ஒரு அரிய இணைப்பில் இணைகின்றன. புதன், வீனஸ், செவ்வாய் வியாழன் மற்றும் சனி ஆகிய கோள்கள், வானத்தின் குறுக்கே கிழக்கில் தாழ்வாக இருந்து தெற்கில் மேல் நோக்கி சரியான வரிசையில் நீண்டிருக்கும்.

இரண்டு அல்லது மூன்று கிரகங்கள் ஒன்றாக இணைவது மிகவும் பொதுவான நிகழ்வு ஆனால் ஒரே நேரத்தில் ஐந்து கிரகங்களைப் பார்ப்பது அரிதான நிகழ்வு. இந்த கிரகங்கள் சூரியனிலிருந்து எவ்வளவு தூரம் உள்ளதோ, அதே வரிசையில் சீரமைக்கப்படும் என்பது இந்த நிகழ்வை மேலும் சிறப்பாக்குகிறது.

மாத தொடக்கத்தில் புதன் கிரகத்தைக் கண்டறிவது கடினமாக இருக்கும்: பார்வையாளர்களுக்கு, கிழக்கு அடிவானத்தின் தடையற்ற காட்சி தேவைப்படும், மேலும் அதைக் கண்டறிய தொலைநோக்கிகள் தேவைப்படலாம்.

ஆனால் மாதம் செல்ல செல்ல, புதன் இருண்ட வானத்தில் பிரகாசமாக இருக்கும் அதே வேளையில் மேலும் மேலும் உயரும். இது அரிய கிரக வரிசையில் எளிதாகக் கண்டறிய உதவும். கடந்த 2004-ம் ஆண்டு டிசம்பர் மாதம் இதுபோன்ற நிகழ்வு நடந்தது.

ஆனால், கடந்த முறை வானத்தில் ஐந்து கோள்களை வெறும் கண்களால் பார்க்க முடிந்ததை விட இந்த முறை புதனுக்கும், சனிக்கும் இடையே உள்ள இடைவெளி மிகக் குறைவு.

ஸ்கை & டெலஸ்கோப்பின் கூற்றுப்படி, ஜூன் 24 அன்று புதனைக் கண்டறிவது மிகவும் எளிதாக இருக்கும். புதன் அடிவானத்திற்கு மேலே நகர, சூரிய உதயம் கிரகங்களைப் பார்க்க முடியாத அளவுக்கு வெளிச்சமாக மாறும்போது, பார்வையாளர்கள் இந்நிகழ்வை அனுபவிக்க சுமார் ஒரு மணிநேரம் இருக்கும்.

சுவாரஸ்யமாக, கிரகங்கள் வானத்தில் மேலும் பரவியுள்ளதால், வீனஸ் மற்றும் செவ்வாய் இடையே ஒரு பிறை நிலவு இருக்கும்.

ஜூன் 24ம் தேதி மேகமூட்டமாக இருந்தாலும், மாதத்தின் மற்ற நாட்களில் அபூர்வ கிரக சேர்க்கையை பார்க்கலாம்.

நீங்கள் செய்ய வேண்டியதெல்லாம், சூரியன் உதிக்கும் முன் அதிகாலையில் எழுந்து, பிரமாண்டமான வான நிகழ்வைக் காண நீங்கள் திட்டமிடும் இடத்தில் அடிவானத்தின் தடையற்ற காட்சியைப் பெறுங்கள்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Stay updated with the latest news headlines and all the latest Science news download Indian Express Tamil App.

Web Title: Five planets will align in the night sky in a rare conjunction in june