மகேந்திரகிரியில் இஸ்ரோவின் புதிய நிலையம்: செமி- க்ரியோஜெனிக் என்ஜின் சோதனை தொடக்கம்

இந்திய விண்வெளி ஆராய்ச்சி நிறுவனம் (இஸ்ரோ) தமிழ்நாட்டின் மகேந்திரகிரியில் செமி-க்ரியோஜெனிக் ஒருங்கிணைந்த இயந்திரம் மற்றும் நிலை என்ற புதிய நிலையத்தை தொடங்கி உள்ளது. இதையடுத்து கடந்த செவ்வாய்க்கிழமை இங்கு செமி-க்ரியோஜெனிக் என்ஜின் சோதனை தொடங்கப்பட்டுள்ளது.

இஸ்ரோவின் ப்ராபல்ஷன் வளாகத்தில் (ஐபிஆர்சி) இந்த நிலையம் அமைக்கப்பட்டுள்ளது. இந்த வசதி உந்துதல் அறையைத் தவிர அனைத்து என்ஜின் அமைப்புகளையும் உள்ளடக்கி உள்ளது. குறைந்த அழுத்தம் மற்றும் உயர் அழுத்த டர்போ-பம்ப்கள் உட்பட, உந்துசக்தி ஊட்ட அமைப்பின் வடிவமைப்பை சரிபார்க்க என அனைத்து சோதனை செய்ய திட்டமிடப்பட்டுள்ளது.

2000 kN உந்துதல் சக்தி கொண்ட செமி-கிரையோஜெனிக் எஞ்சின், இது எதிர்கால ஏவுகணை வாகனங்களின் முதல்-நிலை பூஸ்டர்களை இயக்கும், இஸ்ரோவின் லிக்விட் ப்ராபல்ஷன் சிஸ்டம்ஸ் சென்டரால் (LPSC) வடிவமைக்கப்பட்டு உருவாக்கப்பட்டுள்ளது. இது திரவ ஆக்ஸிஜன் (LOX) - கேரோசின் உந்துசக்தி கலவையில் வேலை செய்கிறது.

செவ்வாய்கிழமை நடத்தப்பட்ட சோதனை முழுமையான இயந்திரம் மற்றும் அதன் தகுதி ஒருங்கிணைக்கப்படுவதற்கு முன் ஒரு முக்கிய மைல்கல்லை குறிக்கிறது. சோதனையின் போது, ​​பொறியாளர்கள் சுமார் 15 மணிநேரம் குளிரூட்டல் செயல்பாடுகளை மேற்கொண்டனர் மற்றும் இயந்திரம் தொடங்குவதற்கு தேவையான அனைத்து நிபந்தனைகளையும் சோதித்தனர். குளிர்ச்சியைத் தொடர்ந்து, திரவ ஆக்ஸிஜன் (LOX)-கேரோசின் உந்துசக்தி நிரப்பப்பட்டது. பின்னர் எரிவாயு ஜெனரேட்டருக்குள் LOX அனுமதிக்கப்பட்டது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“