New Update
![ISRO launches third SSLV D3 EOS 08 carrying Earth Observation Satellite from Sriharikota Tamil News](https://img-cdn.thepublive.com/fit-in/1280x960/filters:format(webp)/indian-express-tamil/media/media_files/CIygrElzAUmBIpcfDqne.jpg)
எஸ்.எஸ்.எல்.வி-டி3 75 கிலோ எடையுள்ள பூமி கண்காணிப்பு செயற்கைக்கோளான இ.ஓ.எஸ்-08ஐ ஏற்றிச் சென்றதாக விண்வெளி நிறுவனம் தெரிவித்துள்ளது.
எஸ்.எஸ்.எல்.வி-டி3 75 கிலோ எடையுள்ள பூமி கண்காணிப்பு செயற்கைக்கோளான இ.ஓ.எஸ்-08ஐ ஏற்றிச் சென்றதாக விண்வெளி நிறுவனம் தெரிவித்துள்ளது.
ISRO Successfully Launches EOS-08 Satellite: இந்திய விண்வெளி ஆராய்ச்சி நிறுவனமான இஸ்ரோ, புவி கண்காணிப்பு செயல்பாடுகளுக்காக 175.5 கிலோ எடை கொண்ட அதிநவீன இ.ஓ.எஸ்-08 எனும் செயற்கைக்கோளை வடிவமைத்துள்ளது. இந்த செயற்கைக்கோளுடன் இ.ஓ.எஸ்-08 செயற்கைக்கோளில் எலக்ட்ரோ ஆப்டிகல் இன்பராரெட் பேலோடு (இ.ஓ.ஐ.ஆர்.), குளோபல் நேவிகேஷன் சாட்டிலைட் சிஸ்டம்-ரிபிளக்டோமெட்ரி பேலோட் (ஜ.என்.எஸ்.எஸ்-ஆர்) மற்றும் எஸ்.ஐ.சி. யுவி டோசிமீட்டர் ஆகிய ஆய்வு கருவிகள் இணைக்கப்பட்டு உள்ளன.
ஆங்கிலத்தில் படிக்கவும்: ISRO launches third SSLV carrying Earth Observation Satellite from Sriharikota
இந்த கருவிகளின் பணிக்காலம் ஒரு ஆண்டாகும். இந்த செயற்கைக்கோள் பூமியை 24 மணி நேரமும் கண்காணிக்கும். பேரிடர் கண்காணிப்பு, சுற்றுச்சூழல் கண்காணிப்பு, தீ கண்டறிதல் போன்ற பயன்பாடுகளுக்கு இந்த செயற்கைக்கோள் பயன்படுத்தப்பட உள்ளது. இந்நிலையில், இந்த செயற்கைக்கோள் சிறியரக எஸ்.எஸ்.எல்.வி டி-3 ராக்கெட் மூலம் ஸ்ரீஹரிகோட்டாவில் உள்ள சதீஷ் தவான் விண்வெளி ஆய்வு மையத்தில் இருந்து இன்று காலை 9.17 மணிக்கு வெற்றிகரமாக விண்ணில் ஏவப்பட்டுள்ளது.
இந்த செயற்கைக்கோளை சுமந்து செல்லும் எஸ்.எஸ்.எல்.வி டி-3 ராக்கெட் மூன்று நிலைகளை கொண்ட இந்த ராக்கெட்டுக்கான எரிபொருள் திட வகையை சேர்ந்ததாகும். இந்த ராக்கெட் திட்டமிட்ட நேரத்தில் பூமியில் இருந்து புறப்பட்டு சரியாக 13 நிமிடத்தில், 475 கிலோ மீட்டர் உயரத்தில் குறைந்த புவி வட்ட சுற்றுப்பாதையில் இந்த செயற்கைக்கோளை வெற்றிகரமாக நிலைநிறுத்த உள்ளது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
Stay updated with the latest news headlines and all the latest Lifestyle news. Download Indian Express Tamil App - Android or iOS.