நாசாவின் பார்க்கர் சோலார் ப்ரோப் விண்கலம் 16 முறை வெற்றிகரமாக சூரியனை சுற்றி வந்துள்ளது. சூரியனுடன் நெருங்கியும் சென்றுள்ளது. ஜூன் 22, 2023 அன்று விண்கலம் தனது 16-வது சுற்றுப்பாதையை நிறைவு செய்தது என விண்வெளி நிறுவனம் தெரிவித்துள்ளது. நெருங்கிய அணுகுமுறையின் போது, பார்க்கர் சூரியனின் மேற்பரப்பில் இருந்து 8.5 மில்லியன் கிலோமீட்டருக்குள் வந்து மணிக்கு 586,782 கிலோமீட்டர் வேகத்தில் நகர்ந்தது.
விண்கலம் நெருங்கிய பயணத்தை முடித்த பிறகும் எந்த பிரச்சனையும் இல்லாமல் சாதாரணமாக இயங்குவது போல் உள்ளது என்றும் நாசா தெரிவித்துள்ளது.
பார்க்கர் ஒரு நட்சத்திரத்தை நெருங்கி சென்ற மனிதகுலத்தின் முதல் பணியாகக் கூறப்படுகிறார். விண்கலம் ஒரு சிறிய காரின் அளவைக் கொண்டுள்ளது. அதனால் இது சூரியனின் வளிமண்டலத்தில் நேரடியாக பயணிக்க முடியும். இது ஆகஸ்ட் 12, 2018-ம் ஆண்டு ளோரிடாவில் உள்ள கேப் கனாவரலில் இருந்து ஏவப்பட்டது.
விண்கலம் மற்றும் அதன் கருவிகள் சூரிய வெப்பத்திலிருந்து 4.5 அங்குல தடிமனான கார்பன் கலவை கவசத்தால் பாதுகாக்கப்படுகின்றன, இது சுமார் 1,777 டிகிரி செல்சியஸ் வெப்பநிலையைத் தாங்கும். பார்க்கரின் முதன்மை அறிவியல் இலக்குகள், கரோனா வழியாக ஆற்றல் மற்றும் வெப்பம் எவ்வாறு நகர்கிறது என்பதைக் கண்டறிவது மற்றும் சூரியக் காற்று மற்றும் சூரிய ஆற்றல் துகள்களின் முடுக்கம் எதனால் ஏற்படுகிறது என்பதை ஆராய அனுப்பபட்டுள்ளது.
விண்கலம் காந்தப் புலங்கள், பிளாஸ்மா, ஆற்றல் துகள்கள் மற்றும் சூரியக் காற்றைப் படம்பிடிக்க வடிவமைக்கப்பட்ட நான்கு கருவித் தொகுப்புகளைக் கொண்டுள்ளது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2023/07/Solar-dynamics-observatory-20230704.jpg)