180 கி.மீ. நீளம், 4,500 ஆண்டுகள் பழமையான உலகின் மிகப்பெரிய தாவரம்!

மேற்கு ஆஸ்திரேலியாவில் உள்ள ஷார்க் விரிகுடாவின்’ உலக பாரம்பரியப் பகுதியில், ஆழமற்ற நீரில் பாசிடோனியா ஆஸ்ட்ராலிஸ் (Posidonia australis) என்ற ஒற்றைத் தாவரம் கண்டுபிடிக்கப்பட்டது. நம்பமுடியாத அளவிற்கு நீளம் கொண்ட கடல்புல்லின் பழங்கால மாதிரி 180 கி.மீ ஆகும். இது குறைந்தது 4,500 ஆண்டுகள் பழமையானது என மதிப்பிடப்பட்டுள்ளது.

மேற்கு ஆஸ்திரேலியா பல்கலைக்கழகம் (UWA) மற்றும் ஃபிளிண்டர்ஸ் பல்கலைக்கழக ஆராய்ச்சியாளர்கள் ஷார்க் விரிகுடாவில் இருந்து கடல் புல் தளிர்களின் மாதிரிகளை எடுத்து 18,000 க்கும் மேற்பட்ட மரபணு குறிப்பான்களைப் பயன்படுத்தி "கைரேகைகளை" உருவாக்கினர்.

ஆனால் அவர்கள் அவ்வாறு செய்தபோது கிடைத்த முடிவுகளால் திகைத்துப்போனார்கள். 180 கிலோமீட்டர் தொலைவில் வெவ்வேறு தாவரங்கள் என்று அவர்கள் நினைத்தது, அதே மரபணு கைரேகையுடன் ஒரே தாவரமாக மாறியது.

ஆய்வின் மூத்த எழுத்தாளரான UWA வைச் சேர்ந்த பரிணாம உயிரியலாளர் எலிசபெத் சின்க்ளேர் ஒரு செய்தி அறிக்கையில், ஷார்க் விரிகுடாவில் உள்ள கடற்பாசி புல்வெளிகள் எவ்வளவு மரபணு ரீதியாக வேறுபட்டவை என்பதை ஆராய்ச்சியாளர்கள் புரிந்து கொள்ள விரும்பியபோது ஆராய்ச்சி திட்டம் தொடங்கியது என்று கூறினார். கடல் புல் மறுசீரமைப்புக்கு எந்த தாவரங்களை சேகரிக்க வேண்டும் என்பதையும் அவர்கள் அறிய விரும்பினர்.

"பதில் எங்களைத் திகைக்க வைத்தது,  ஷார்க் விரிகுடாவில் ஒரு தாவரம் 180 கிமீக்கு மேல் விரிவடைந்துள்ளது, இது பூமியில் அறியப்பட்ட மிகப்பெரிய தாவரமாக மாறியுள்ளது.

தற்போதுள்ள 200 சதுர கிலோமீட்டர் புல்வெளிகள் ஒற்றை நாற்றிலிருந்து விரிவடைந்துள்ளதாகத் தோன்றுகிறது" என்று UWA மாணவர் ஆராய்ச்சியாளரும், ஆய்வின் முதன்மை ஆசிரியருமான ஜேன் எட்ஜெலோ ஒரு செய்தி அறிக்கையில் தெரிவித்தார்.

அதன் மகத்தான அளவால் மட்டுமே அதுத் தனித்து நிற்கவில்லை: பிற, கடல்சார் தாவரங்களைக் காட்டிலும், இது இரண்டு மடங்கு குரோமோசோம்களைக் கொண்டுள்ளது; அதை "பாலிப்ளாய்டு" polyploid ஆக்குகிறது.

வழக்கமான 50 சதவீதத்தைப் பகிர்ந்து கொள்வதற்குப் பதிலாக, புதிய நாற்று ஒவ்வொரு பெற்றோரிடமிருந்தும் 100 சதவீத மரபணுவைக் கொண்டுள்ளது, ”என்று சின்க்ளேர் ஒரு செய்தி அறிக்கையில் கூறினார்.

இது பரந்த அளவிலான வெப்பநிலை மற்றும் உப்புத்தன்மை மற்றும் மிக அதிக ஒளி நிலைகளை அனுபவிக்கிறது. வழக்கமாக, இது பெரும்பாலான தாவரங்களுக்கு அதிக மன அழுத்தத்தை ஏற்படுத்தும், ஆனால் ராட்சத தாவரம் இந்த நிலைமைகளில் செழித்து வளர்கிறது.

(The study has been published in an article titled, “Extensive polyploid clonality was a successful strategy for seagrass to expand into a newly submerged environment,” published in Proceedings of the Royal Society B.)

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“