வெடிக்கும் நட்சத்திரங்கள் தங்கத்தை உருவாக்கும்: ஆய்வு கூறுவது என்ன?

கிலோனோவா என்று அழைக்கப்படும் தங்கத்தை உற்பத்தி செய்யும் அமைப்பை வானியலாளர்கள் கண்டறிந்துள்ளனர். இந்த இரட்டை நட்சத்திரங்கள் வெடிப்பு மிகவும் சக்திவாய்ந்த வெடிப்புகளில் ஒன்றாக மாறும் என்று கூறியுள்ளனர்,

இந்த கண்டுபிடிப்பில் தனித்துவமானது என்னவென்றால், பிரபஞ்சத்தின் ஆழத்தில் இதுபோன்ற 10 அமைப்புகள் மட்டுமே கண்டறியப்பட்டுள்ளன. சிலியில் உள்ள Cerro Tololo இன்டர்-அமெரிக்கன் ஆய்வகத்தில் SMARTS 1.5 மீட்டர் தொலைநோக்கியை வானியலாளர்கள் பைனரி நட்சத்திர அமைப்பைக் கண்டறியப் பயன்படுத்தினர்.

நட்சத்திர அமைப்பு பூமியிலிருந்து சுமார் 11,000 ஒளி ஆண்டுகள் தொலைவில் நமது பால்வீதி மண்டலத்தில் அமைந்துள்ளது. புதிதாக கண்டுபிடிக்கப்பட்ட அமைப்பில் கிலோனோவா நிகழ்வுக்கான அனைத்து சாத்தியக் கூறுகளும் உள்ளன. இந்த கண்டுபிடிப்புகள் பற்றிய தகவல்கள் நேச்சர் இதழில் வெளியிடப்பட்டுள்ளன.

இந்த அமைப்பில் ஒரு நியூட்ரான் நட்சத்திரம் இருப்பதைக் கண்டறிந்தனர், இது அல்ட்ரா-ஸ்ட்ரிப்ட் சூப்பர்நோவாவால் உருவாக்கப்பட்டது. மிக நெருக்கமாகச் சுற்றும் பாரிய நட்சத்திரம் அல்ட்ரா-ஸ்ட்ரிப்டு சூப்பர்நோவாவாக மாறும் செயல்பாட்டில் உள்ளது. அல்ட்ரா-ஸ்ட்ரிப்ட் சூப்பர்நோவா என்பது ஒரு பெரிய நட்சத்திரத்தின் வாழ்க்கையின் முடிவில் வெடிப்பதாகும். அதன் வெளிப்புற வளிமண்டலத்தின் பெரும்பகுதி துணை நட்சத்திரத்தால் அகற்றப்பட்டது என்று ஆராய்ச்சியாளர்கள் தெரிவித்தனர்.

எம்ப்ரி-ரிடில் ஏரோநாட்டிக்கல் பல்கலைக்கழகத்தின் நோயல் டி. ரிச்சர்ட்சன் கூறுகையில், தற்போதைய நியூட்ரான் நட்சத்திரம் அதன் துணை நட்சத்திரங்களை வெளியேற்றாமல் உருவாக வேண்டும். இந்த துணை நட்சத்திரங்கள் ஏன் இவ்வளவு இறுக்கமான சுற்றுப்பாதையில் உள்ளன என்பதற்கு அல்ட்ரா-ஸ்ட்ரிப்டு சூப்பர்நோவா சிறந்த விளக்கமாகும். ஒரு கிலோநோவாவை உருவாக்க, மற்ற நட்சத்திரமும் அல்ட்ரா-ஸ்டிரிப்டு சூப்பர்நோவாவாக வெடிக்க வேண்டும், அதனால் இரண்டு நியூட்ரான் நட்சத்திரங்களும் இறுதியில் மோதி ஒன்றிணைக்க முடியும் என்று கூறினார்.