இந்தியாவின் சந்திரயான்-3 விண்கலம் தற்போது நிலவு சுற்றுப்பாதையில் உள்ளது. அதன் சுற்றுப்பாதை படிப்படியாக குறைக்கப்பட்டு சந்திரனை நெருங்கிக் கொண்டிருக்கிறது. அதே நேரத்தில் நிலவில் சந்திரயான்- 3 மட்டும் இல்லை.
ஜூலை 2023 நிலவரப்படி, சந்திரனில் 6 ஆக்டிவ் ஆர்பிட்டர்கள் உள்ளன. இன்னும் பல விண்கலன்கள் வந்து கொண்டிருக்கின்றன.
தற்போது நிலவில். நாசாவின் லூனார் ரீகனைசென்ஸ் ஆர்பிட்டர் (எல்ஆர்ஓ), ஆர்டெமிஸின் கீழ் மீண்டும் உருவாக்கப்பட்ட நாசாவின் THEMIS பணியிலிருந்து இரண்டு ஆய்வுகள், இந்தியாவின் சந்திரயான்-2 ஆர்பிட்டர்,கொரியா பாத்ஃபைண்டர் லூனார் ஆர்பிட்டர் (கேபிஎல்ஓ) மற்றும் நாசாவின் கேப்ஸ்டோன் ஆகியவை உள்ளன.
ஜூன் 2009 இல் ஏவப்பட்ட எல்ஆர்ஓ, சந்திரனை 50-200 கி.மீ உயரத்தில் சுற்றிவருகிறது, இது சந்திர மேற்பரப்பின் உயர்-தெளிவு வரைபடங்களை வழங்குகிறது. ஜூன் 2011 இல் சந்திர சுற்றுப்பாதையில் சேர்க்கப்பட்ட ARTEMIS P1 மற்றும் P2 ஆய்வுகள், சுமார் 100 கிமீ x 19,000 கி.மீ உயரத்தில் நிலையான பூமத்திய ரேகை, உயர்-விசித்திர சுற்றுப்பாதையில் இயங்குகின்றன.
சந்திரயான்-2, அதன் விக்ரம் லேண்டருடனான தொடர்பை 2019 இல் இழந்த போதிலும், 100 கி.மீ உயரத்தில் துருவ சுற்றுப்பாதையில் ஆர்ப்பிட்டர் தொடர்ந்து இயங்குகிறது. KPLO மற்றும் கேப்ஸ்டோன் ஆகியவை சந்திர போக்குவரத்துக்கு பங்களிக்கின்றன, கேப்ஸ்டோன் நியர்-ரெக்டிலினியர் ஹாலோ ஆர்ப்பிட்டில் (NRHO) செயல்படுகிறது.
வருவிருக்கும் விண்கலன்கள்
சந்திர சுற்றுப்பாதை பரபரப்பாகப் போகிறது. ரஷ்யாவின் லூனா 25 மிஷன் ஆகஸ்ட் 10 அன்று தொடங்க உள்ளது. ஆகஸ்ட் 16-ல் சந்திர சுற்றுப்பாதையில் இருக்கும் என்று எதிர்பார்க்கப்படுகிறது. 47 வருட இடைவெளிக்குப் பிறகு ரஷ்யா நிலவு திட்டத்துக்கு திரும்புவதைக் குறிக்கிறது.
அதோடு, நாசாவின் ஆர்ட்டெமிஸ் திட்டத்தில் மற்றொரு நிலவு பயணம் திட்டமிடப்படுகிறது. எதிர்கால ஆர்ட்டெமிஸ் பயணங்கள் நிலவின் போக்குவரத்தை அதிகரிக்கும் என்று எதிர்பார்க்கப்படுகிறது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2023/05/Full-moon-20230428.webp)