chess | pragnanandha | Vaishali R: ரமேஷ்பாபு தனது குடும்பத்தில் இருந்து செஸ் எந்த அளவுக்கு பிரிக்க முடியாத பகுதியாக மாறியது என்பதைப் பற்றி பேசத் தொடங்கும் போது, அவர் தனது மகளுக்கு டீன் ஏஜ் பருவத்தில் கார்ட்டூன் நிகழ்ச்சிகளை நேசித்த கதையுடன் தொடங்குகிறார். அவரை தொலைக்காட்சி பார்ப்பதில் இருந்து விலக்க, அவர் தனது மகளை ஒரு செஸ் பள்ளிக்கு அனுப்பினார். அனிமேஷன் ரசிகராக இருந்த தனது இளைய மகனுக்காகவும் அதே திட்டத்தை அவர் பின்பற்றினார்.
அவரது குழந்தைகளின் கவனச்சிதறலாகத் தொடங்கி ஒன்று 10 ஆண்டுகளுக்குப் பிறகு தற்போது அவர்களுக்கு பொழுதுபோக்காக மாறி இப்போது ஒரு ஆவேசமாக மாறிவிட்டது. இருவரும் உலகின் மிகவும் கொண்டாடப்படும் செஸ் உடன்பிறப்புகளாக மாறிவிட்டனர்.
18 வயதான பிரக்ஞானந்தா, உலக செஸ் அரங்கில் முக்கிய தொடரான கேண்டிடேட்ஸ் போட்டிக்கு உலகக்கோப்பையில் வெள்ளிப்பதக்கம் வென்றதன் மூலம் தேர்வு செய்யப்பட்டார். இதேபோல், கடந்த ஞாயிற்றுக்கிழமை, பிரிட்டனின் ஐல் ஆஃப் மேனில், ஃபிடே கிராண்ட் ஸ்விஸ் போட்டியில் மகளிர் பிரிவில் சாம்பியன் பட்டத்தை வாகை சூடிய 22 வயதான அவரது சகோதரி வைஷாலி மகளிர் பிரிவில் கேண்டிடேட்ஸ் போட்டியில் இடம்பிடித்துள்ளார்.
ஆங்கிலத்தில் படிக்கவும்: After R Praggnanandhaa, his sister Vaishali moves to challenge world chess champion
ஒரு மாதத்தில் தனது மூன்றாவது கிராண்ட்மாஸ்டர் நெறியைப் பாதுகாத்து, தனது சகோதரரைப் போல கிராண்ட்மாஸ்டர் ஆக 2500 மதிப்பீட்டு புள்ளியில் இருந்து வெறும் மூன்று புள்ளிகள் தொலைவில் உள்ளார். வரும் நாட்களில், கார்ட்டூன் நிகழ்ச்சிகளைப் பார்க்க டி.வி ரிமோட் கண்ட்ரோலுக்காகப் போராடிய உடன்பிறப்புகள், உலக சதுரங்க உச்சபட்ச போட்டியில் முதலிடம் பெறுவதற்கு ஒன்றாகச் சேர்ந்து பல திட்டம் தீட்டுவார்கள்.
“இது எங்களுக்கு ஒரு சிறந்த நாள். முதல் முறையாக, ஒரு சகோதரனும் சகோதரியும் கேண்டிடேட்ஸ் போட்டியில் போட்டியிடுகிறார்கள். வைஷாலியைப் பொறுத்தவரை, அவரது செஸ் வாழ்க்கை டி.வி-யில் இருந்து கவனத்தை சிதறடிப்பதாகத் தொடங்கியது, இப்போது அவர்கள் எங்கு அடைந்திருக்கிறார்கள் என்று நீங்களே பாருங்கள், ”என்று சென்னை வங்கியின் கிளை மேலாளர் ரமேஷ்பாபு தி இந்தியன் எக்ஸ்பிரஸிடம் கூறினார்.
தனது அக்காவின் வெற்றி குறித்து பிரக்ஞானந்தா பேசுகையில், "விளையாட்டுக்கு முன்பே, நான் ஒரு கொண்டாட்ட மனநிலையில் இருந்தேன்! அவர் (வைஷாலி) இருக்க வேண்டிய இடத்தை இப்போது அடைந்துள்ளதை கண்டு நான் மகிழ்ச்சியடைகிறேன். நல்ல முடிவுகள் வருவதைக் கண்டும் நான் மகிழ்ச்சியடைகிறேன்!” என்று கூறினார்.
செஸ் வாழ்க்கையைத் துரத்தும்போது கல்வியை பேலன்ஸ் செய்யும் வைஷாலிக்கு, இந்த முடிவு ஆச்சரியத்தை அளித்தது. “இந்தப் போட்டி எனது வாழ்க்கையில் இதுவரை கிடைத்த மிகப்பெரிய வெற்றியாகும். நான் 12வது சீடாக ஆரம்பித்தேன். நான் பல எதிர்பார்ப்புகளுடன் இங்கு வரவில்லை, ”என்று முதுகலைப் பட்டதாரி மாணவியான வைஷாலி ஃபிடே-வின் சமூக ஊடக சேனலிடம் கூறினார்.
வைஷாலி தனது செஸ் பயணத்தை நினைவுகூரும் போது, அவரது நினைவலைகளில் தம்பி பிரக்ஞானந்தாவுக்கு என எப்போதும் தனி இடம் உண்டு. "நான் முதலில் செஸ் விளையாட ஆரம்பித்தேன். நான் வீட்டில் விளையாடும் போது, பிராக் (பிரக்ஞானந்தா) வந்து என்னை தொந்தரவு செய்வார். அதனால் என் பெற்றோர் வீட்டில் இரண்டாவது செஸ் செட் வாங்கினர்.
நான் யாரிடமும் அதிகம் பழகுவதில்லை. கூட்டத்தில் இருந்து விலகி எனது நெருங்கிய வட்டத்தை நான் விரும்புகிறேன். நான் என் சொந்த இடத்தில் இருக்க விரும்புகிறேன், ”என்று அவர் கூறினார்.
இந்தியாவின் புகழ்பெற்ற பயிற்சியாளர் மற்றும் கிராண்ட்மாஸ்டர் ஆர் பி ரமேஷுக்கு அவர்களின் ஆரம்பகால அறிமுகம் இளம் செஸ் ஆர்வலர்களுக்கு ஒரு முக்கிய தாக்கத்தை ஏற்படுத்தியது. ரமேஷ் ஒரு பயிற்சியாளர் அல்லது ஒரு வழிகாட்டி என்பதை விட அதிகமாக நிரூபித்தார் என்று அவர்களின் தந்தை கூறினார். "ஒரு வழிகாட்டி, அவர் ஒரு தத்துவவாதி (வீரர்களுக்கு)" என்று அவர் கூறினார்.
அக்கா - தம்பி இருவரும் முதலில் ரமேஷிடம் கோச்சிங்கிற்குச் சென்றபோது, வைஷாலி தனது சகோதரனை விட சில நூறு மதிப்பெண்கள் முன்னிலையில் இருந்தார். "நான் அவர்களுடன் செஸ் விளையாட தொடங்கியபோது இருவரும் ஏற்கனவே ஒரு நாளைக்கு ஆறு முதல் எட்டு மணி நேரம் பயிற்சி செய்து கொண்டிருந்தனர். அவர்கள் மிகவும் கடின உழைப்பாளிகள், லட்சியம் என்று குறிப்பிட தேவையில்லை. வைஷாலி அப்போது சிறந்த வீராங்கனையாக இருந்தார். அதிக மதிப்பீட்டில் முன்னிலை வகித்தார். ஆனால் சில ஆண்டுகளில், ப்ராக் விரைவான வளர்ச்சியை அடைந்து அவரை முந்தினார்.
வைஷாலி சிறு வயதிலிருந்தே மிகவும் வெற்றிகரமானவர். அவர் வயது-பிரிவு நிலைகளில் பல தேசிய பட்டங்களை தவிர 14 வயதுக்குட்பட்ட உலக சாம்பியன் பட்டத்தை வென்றுள்ளார். உலக அளவில் பல போட்டிகளிலும் வெற்றி பெற்றுள்ளார். ஆனால், இடையில் இரண்டு, மூன்று ஆண்டுகளாக மந்தநிலை ஏற்பட்டது, இது இயற்கையானது.
வைஷாலி உடைய போட்டி வாழ்க்கையின் ஒரு கட்டத்தில், அவரது தம்பி இவ்வளவு வேகமாக வளர்ந்து வருவது அவரை கொஞ்சம் தொந்தரவு செய்தது. உடன்பிறப்புகள் எப்போதும் ஆரோக்கியமான போட்டியைக் கொண்டுள்ளனர். போட்டிகளின் போது அவர்கள் ஒருவருக்கொருவர் உதவுகிறார்கள். அவர்கள் வீட்டில் நிறைய பயிற்சி செய்கிறார்கள். சமீபத்தில், ப்ராக் வைஷாலிக்கு தயாரிப்புகளில் உதவ முயன்றார். அவருக்கு ஆரம்ப யோசனைகள் கொடுத்தார். உங்களுக்கு உதவ ஒரு வலுவான வீரர் வீட்டில் இருப்பது எப்போதும் நல்லது”என்று பயிற்சியாளர் ரமேஷ் தி இந்தியன் எக்ஸ்பிரஸ்ஸிடம் கூறினார்.
2024 கேண்டிடேட்ஸ் போட்டியானது ஏப்ரல் 2 முதல் 25 ஏப்ரல் 2024 வரை கனடாவில் உள்ள டொராண்டோ நகரில் நடைபெற உள்ளது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/F4WF2iUoJMBvW1P0OAxT.jpg)