The announcement of Aiden Markram's name came on Thursday.
Aiden Markram has been named as SRH captain Tamil News: 2023 ஆம் ஆண்டுக்கான இந்தியன் பிரீமியர் லீக் (ஐ.பி.எல்) கிரிக்கெட் போட்டிகள் மார்ச் 31ம் தேதி தொடங்கி மே 28 ஆம் தேதி முடிவடைகிறது. இந்நிலையில், ஐ.பி.எல் தொடருக்கான சன்ரைசர்ஸ் ஐதராபாத் அதன் புதிய கேப்டனை அறிவித்துள்ளது. அதன்படி, அந்த அணியின் கேப்டனாக எய்டன் மார்கரம் நியமிக்கப்பட்டுள்ளார்.
Advertisment
தென் ஆப்ரிக்க வீரரான எய்டன் மார்க்ரம் கேப்டனாக U-19 உலகக் கோப்பையை வென்றுள்ளார். மேலும், இந்த ஆண்டு முதல் தொடங்கிய தென் ஆப்ரிக்கா (SA20) லீக் தொடருக்கான சன்ரைசர்ஸ் ஈஸ்டர்ன் கேப் அணியை வெற்றிகரமாக வழிநடத்தி, அந்த அணி முதல் அணியாக சாம்பியன் பட்டம் உதவினார். எனவே, சன் ரைசர்ஸ் ஐதராபாத் அணியையும் அவர் சாம்பியன் பட்டம் வெல்ல அழைத்துச் செல்வார் என்று அணி நிர்வாகம் அவரை கேப்டனாக நியமித்துள்ளளது.
ஐ.பி.எல்-ல் கேப்டன்களாக தென் ஆப்பிரிக்க வீரர்கள்:-
கடந்தாண்டு ஏலத்திற்கு முன்னதாக கேன் வில்லியம்சனை விடுவித்த பிறகு, ஐதராபாத் அணி கேப்டன் இல்லாமல் இருந்தது. 2018 இல் வார்னர் இல்லாத நேரத்தில் வில்லியம்சன் அந்த அணியை வழிநடத்தினார். 2022ல் ஐதராபாத் அணி வார்னரை நீக்கியது. வார்னர் தலைமையிலான சன் ரைசர்ஸ் ஐதராபாத் அணி 2016ல் முதல் முறையாக ஐ.பி.எல் சாம்பியன் பட்டம் வென்றது.
சன்ரைசர்ஸ் ஐதராபாத் அணியின் நிர்வாக அதிகாரி காவ்யா மாறன் ஆவார். சன் டி,வி நிறுவனர் கலாநிதி மாறனின் மகளான இவருக்கென தனி ரசிகர்கள் பட்டாளமே உள்ளது. கொச்சியில் நடந்த மினி ஏலத்தின் போது இவர் ட்ரெண்டிங்கில் இருந்தார். அதன்பிறகு, தென் ஆப்ரிக்கா (SA20) லீக் தொடரில் வெளிநாட்டு ரசிகர் ஒருவர் அவருக்கு கல்யாண ப்ரொபோஸ் செய்தார். அந்த வீடியோ சமூக வலைதளத்தில் வைரலாகியது.