நீண்ட கால பார்வை, தேவையான மாற்றம்: அஜீத் அகர்கர் இந்தியாவுக்கு வழிகாட்ட முடியுமா?

"தொடர்ச்சி" என்பது இந்தியாவின் மூத்த தேர்வுக் குழுவில் விடுபட்ட ஒரு அம்சமாகும். கடந்த 50 ஓவர் உலகக் கோப்பை முதல் உள்நாட்டில் நடக்கவிருக்கும் உலகக் கோப்பை வரை, இந்திய கிரிக்கெட் அணி இப்போது 4 வெவ்வேறு தேர்வுக்குழு தலைவர்களை சந்தித்துள்ளது. முன்னாள் தேர்வுக்குழு தலைவரான எம்.எஸ்.கே பிரசாத் சுனில் ஜோஷிக்கு வழிவிட்டார். அதன்பின்னர் சுனில் ஜோஷி, கடந்த நவம்பரில் நீக்கப்பட்ட சேத்தன் சர்மாவிடம் தலைவர் பொறுப்பை ஒப்படைத்தார். ஆனால் சேத்தன் சர்மா மீண்டும் டிசம்பரில் தலைவரானர். இதன்பிறகு, கடந்த பிப்ரவரியில் நடந்த ஸ்டிங் ஆபரேஷனைத் தொடர்ந்து சேத்தன் சர்மா ராஜினாமா செய்தார். இந்நிலையில், விரிவான தேடலுக்குப் பிறகு, 2020ல் நிராகரிக்கப்பட்ட விண்ணப்பதாரரான முன்னாள் வேகப்பந்து வீச்சாளர் அஜித் அகர்கரை தற்போது பிசிசிஐ தலைவராக நியமித்துள்ளது.

221 சர்வதேச கிரிக்கெட் போட்டிகளில் விளையாடிய 45 வயதான அகர்கர் தேர்வுக்குழுவின் மிகவும் அனுபவம் வாய்ந்த தலைவராக இருப்பார் என எதிர்பார்க்கலாம். அவருக்கு இருக்கும் தற்போதைய சவால், 50 ஓவர் உலகக் கோப்பைக்கான வெற்றிகரமான அணியை ஒன்றிணைப்பது ஆகும். அதோடு, இந்திய டெஸ்ட் அணிக்கு ஒரு மாற்றத் திட்டத்தை செயல்படுத்துவதும் ஆகும்.

பணியாளர்களின் தொடர்ச்சியான மாற்றத்தால், அணி தேர்வுக்கு வரும்போது மிகவும் தேவையான தெளிவும் தொடர்ச்சியும் இல்லை. டெஸ்ட் அணியில் அனுபவம் வாய்ந்த வீரர்களை அணியில் இருந்து கழற்றி விடப்பட்டதை தவிர வேறு எதுவும் பெரிய மாற்றங்களை செய்யவில்லை. மற்றொரு உலக டெஸ்ட் சாம்பியன்ஷிப் இறுதித் தோல்வியைத் தொடர்ந்து, இந்திய அணி நிர்வாகம் ஏற்கனவே ஒரு மாறுதல் முறை செயல்படுத்தப்பட்டதற்கான போதுமான அறிகுறிகளைக் கொடுத்துள்ளது. உலகக் கோப்பை முடியும் வரை மொத்த மாற்றங்களைச் செய்வதற்கான அவர்களின் திட்டங்களையும் நிறுத்தியுள்ளது.

உலகக் கோப்பை வரை செய்ய வேண்டியது மிகக் குறைவு என்றாலும், டி20 அணி ஏற்கனவே அடுத்த தலைமுறை திறமைகளை முதலீடு செய்து வருவதால், அகர்கர் மற்றும் அவரது குழு (எஸ்எஸ் தாஸ், சலில் அன்கோலா, எஸ் ஷரத் மற்றும் சுப்ரோடோ பானர்ஜி) மிகவும் தேவையான திசையை வழங்குவதற்காக பணிபுரிகின்றனர். இந்த இந்திய அணி தாமதமாக தவறவிட்ட நீண்ட கால திட்டமிடல் இதுவாகும். பிரசாத்தின் கமிட்டி தொடர்ந்து சில சர்வதேசப் போட்டிகள் அவர்களுக்குப் பின்னால் இருப்பதாக விமர்சனத்திற்கு உள்ளானாலும், சர்வதேச கிரிக்கெட்டுக்கு வீரர்கள் குழுவை தயார்படுத்துவதற்கு அவர்கள் செய்த பணி தொற்றுநோய் பரவலின் போது தெளிவாகத் தெரிந்தது.

ஆனால் அதன்பிறகு, ஏ-டூர் திட்டங்கள் கணிசமாகக் குறைக்கப்பட்டதால், இந்தியா அந்த அம்சத்தில் ஸ்தம்பித்தது. அதனால்தான் பிசிசிஐ தேர்வாளர்களில் சில தொடர்ச்சியைக் கொண்டிருக்க வேண்டியது அவசியமாக உள்ளது.

ஆனால் அகர்கர் மற்றும் அன்கோலாவைக் கொண்டு வந்ததால், முதல் முறையாக ஒரே மாநிலப் பிரிவுகளில் இருந்து இரண்டு தேர்வாளர்கள் உள்ளனர். இதனால், இந்திய அணியுடன் வெஸ்ட் இண்டீஸ் செல்லவுள்ள அன்கோலா, உரிய நேரத்தில் அணியின் தேர்வுக்குழுவில் இருந்து ஒதுங்கிவிடுவார் என்ற பேச்சுக்கள் எழுந்துள்ளன. இருப்பினும், இது உலகக் கோப்பைக்குப் பிறகு தான் நடக்க வாய்ப்புள்ளது.

ஐந்து தேர்வாளர்கள் வெவ்வேறு மண்டலங்களைச் சேர்ந்தவர்களாக இருக்க வேண்டும் என்று பிசிசிஐயின் அரசியலமைப்பு கட்டாயப்படுத்தவில்லை என்றாலும், லோதா குழு தேர்வுக் குழுவின் பலத்தை ஐந்திலிருந்து மூன்றாகக் குறைத்தபோது, ​​உச்ச நீதிமன்றத்தில் வாரியம் முன்வைத்த வாதங்களில் இதுவும் ஒன்றாகும். மேலும் பிசிசிஐ வெளியிட்ட விளம்பரங்களில் கூட, மண்டலங்களைப் பற்றி எதுவும் குறிப்பிடப்படவில்லை. ஆனால் எழுதப்படாத விதியில், ஒவ்வொரு மண்டலத்திலிருந்தும் ஒரு தேர்வாளர் என்ற பழைய முறையே நடைமுறையில் இருந்து வருகிறது.

அன்கோலாவின் விலகும் வாய்ப்பைத் தவிர, அடுத்த இரண்டு ஆண்டுகள் இந்தியாவிற்கு முக்கியமானவை என்பதால் அகர்கர் தலைமையிலான தேர்வுக்குழு கண்காணிப்பின் கீழ் இருக்கும். விராட் கோலி, ரோகித் சர்மா, அஜிங்க்யா ரஹானே, ஆர் அஷ்வின், ரவீந்திர ஜடேஜா போன்றவர்கள் 30-களின் நடுப்பகுதியில் இருந்து வருவதால், அவர்களின் ஆன்-ஃபீல்ட் செயல்பாடுகளை பாதிக்காமல், இந்தியா அடுத்த தலைமுறை திட்டத்தை வைக்க வேண்டும்.

மும்பையின் தேர்வாளராக இருந்த காலத்தில், அகர்கர் முக்கிய முடிவுகளை எடுக்கத் தயங்கவில்லை. குறிப்பாக, தற்போது அதிரடி வீரராக வலம் வரும் சூர்யகுமார் யாதவ் (2018ல் மோசமான ரன்கள்) உள்ளிட்ட வீரர்களைக் கூட அணியில் இருந்து கழற்றிவிட்டார். அத்தகைய தைரியமான முடிவுகளை விரைவில் அல்லது பின்னர் இந்திய அணியில் எடுக்கப்பட வேண்டும்.

கடந்த சில ஆண்டுகளாக, தேர்வுக் குழுவுக்கு எதிரான விமர்சனங்களில் ஒன்று, அவர்கள் சக்தி வாய்ந்த அணி நிர்வாகத்திற்கு எதிராக நிற்கவில்லை. குறிப்பாக உலக டெஸ்ட் சாம்பியன்ஷிப் இறுதிப் போட்டி தோல்விக்குப் பிறகு, தேர்வாளர்கள் அணி நிர்வாகத்தின் தேர்வுகளை கேள்விக்குட்படுத்துவதன் மூலம் அது மாறுவதற்கான அறிகுறிகள் உள்ளன.

அகர்கர் வீரர்கள், நல்ல நிலையில் இருப்பவர்களுடன் தொடர்புகொள்ளும் தொழிலில் இறங்குவாரா? அல்லது அவர்கள் என்ன செய்ய வேண்டும் என்று கைவிடுகிறாரா? என்பதைப் பார்ப்பதும் சுவாரஸ்யமாக இருக்கும். 2011ம் ஆண்டில், மும்பை கேப்டன் வாசிம் ஜாஃபர் மற்றும் தலைமை தேர்வாளர் மிலிந்த் ரெகே ஆகியோரால் ரஞ்சி ஆட்டத்திற்கு ஒரு இரவு முன்பு அவர் அணியில் இருந்து நீக்கப்பட்டபோது, ​​கோபமடைந்த அகர்கர் மறுநாள் காலை தனது வீட்டிற்கு வந்து சேர்ந்தார். "இவ்வளவு காலம் சுற்றிக் கொண்டிருக்கும் ஒருவருக்கு, போட்டிக்கு முந்தைய நாள் இரவு, அவர் விளையாடும் லெவன் அணியில் இல்லை என்று சொன்னால், நீங்கள் ஏற்றுக்கொள்ள முடியாது," என்று அவர் கூறினார். இப்போது தேர்வாளர்களின் தலைவராக இருக்கும் அவர், பெரிய முடிவுகள் மற்றும் காயப்பட்ட ஈகோக்களை எப்படி அணுகுவார்? என்பதை பொறுத்திருந்து தான் பார்க்க வேண்டும்.

திட்டத்தின் வடிவமைப்பாளராக ஒரு பயிற்சியாளரைக் கொண்டு வந்ததால், முடிவுகள் இதுவரை திருப்திகரமாக இல்லாததால், பிசிசிஐ இப்போது வலுவான தேர்வுக் குழுவை அமைப்பதற்கான முதல் படியை எடுத்துள்ளது. பயிற்சியாளர்கள் மற்றும் கேப்டன்களை விட, தேர்வாளர்கள்தான் அணிக்கு வழிகாட்டுதல் வழங்குகிறார்கள். அகர்கருடன், டி20 கிரிக்கெட் எவ்வாறு செயல்படுகிறது என்பதை அறிந்த ஒரு தேர்வாளரும் அவர்களிடம் இருக்கிறார். 2007ல் டி20 உலகக் கோப்பை வென்ற அணியில் இருந்த அவர், சமீபத்தில் ஐபிஎல்லில் அமைக்கப்பட்ட டெல்லி கேபிடல்ஸ் அணியின் ஒரு பகுதியாக இருந்தார். புதிய தலைவரின் முதல் பொறுப்பு வெஸ்ட் இண்டீஸ் அணிக்கு எதிரான டி20 அணியைத் தேர்ந்தெடுப்பதாகும். இந்த அணியில் ரின்கு சிங் மற்றும் திலக் வர்மா ஆகியோர் இடம் பிடித்துள்ளனர் என்பது குறிப்பிடத்தக்கது.

தமிழ்  இந்தியன்  எக்ஸ்பிரஸின்  அனைத்து செய்திகளையும் உடனுக்குடன்  டெலிகிராம்  ஆப்பில்  பெற https://t.me/ietamil