எல்.எஸ்.ஜி வீரர்களை துஷ்பிரயோகம் செய்தார் கோலி; ‘நிறைய விஷயங்களை தவிர்த்து இருக்கலாம்’ - அமித் மிஸ்ரா

2023 இந்தியன் பிரீமியர் லீக் (ஐ.பி.எல்) சீசனின் போது லக்னோ சூப்பர் ஜெயண்ட்ஸ் ஆலோசகர் கவுதம் கம்பீர் மற்றும் ராயல் சேலஞ்சர்ஸ் பெங்களூரு பேட்டர் விராட் கோஹ்லி இருவரும் லக்னோவில் எதிர்கொண்டபோது ஒருவருக்கொருவர் கடுமையான வாக்குவாதத்தில் ஈடுபட்டனர். எல்.எஸ்.ஜி லெக் ஸ்பின்னர் அமித் மிஸ்ரா, கம்பீர் மோதலில் ஈடுபடுவதற்கு முன்பு எல்.எஸ்.ஜி வீரர்களை துஷ்பிரயோகம் செய்யத் தொடங்கியவர் கோலிதான் என்றார்.

"அவர் எங்கள் வீரர்களை துஷ்பிரயோகம் செய்யத் தொடங்கினார் (லக்னோவில் நடந்த எல்.எஸ்.ஜி vs ஆர்.சி.பி மறு போட்டியில்). அவர் கைல் மியர்ஸுடன் எந்த வெறுப்பும் கொண்டிருக்கவில்லை. ஆனால், அவர் அவரை துஷ்பிரயோகம் செய்தார். நவீன்-உல்-ஹக் பந்துவீசும்போது, ​​​​அவரும் அவரை துஷ்பிரயோகம் செய்வார். நிறைய விஷயங்கள் தவிர்க்கப்பட்டிருக்கலாம், ஆனால், கோலி அதைத் தேர்வு செய்யவில்லை” என்று முன்னாள் இந்திய லெக் ஸ்பின்னர் அமித் மிஸ்ரா யூடியூபர் ஷுபங்கர் மிஸ்ராவின் ‘அன்பிளக்ட்’ நிகழ்ச்சியில் கூறினார்.

முன்னதாக 2023 சீசனில் பெங்களூருவில் நடந்த ரிவர்ஸ் பிக்சரில், எல்.எஸ்.ஜி ஒரு விக்கெட் வித்தியாசத்தில் ஆர்.சி.பி-யை வீழ்த்தியது. 'உதடுகளில் விரல்' வைத்து அமைதியாக இருக்கும்படி கூறினார். “கூட்டம் வெறிபிடித்து கத்தியதால் அமைதியாக இருக்கும்படி கெளதம் கம்பீர் சைகை செய்தார். அனேகமாக, விராட் கோலிக்கு அது பிடிக்கவில்லை. இந்த விஷயம் ஆட்டத்தில் முடிந்துவிட்டதாக நாங்கள் நினைத்தோம். ஆனால், கோலிக்கு அப்படி அல்ல,” என்று அமித் மிஸ்ரா நினைவு கூர்ந்தார்.

கோஹ்லி 18 ரன்கள் வித்தியாசத்தில் வெற்றி பெற்ற பிறகு லக்னோ பார்வையாளர்களுக்கு சைகை மூலம் பதில் அளித்தார்.  “ஆனால் பிரச்னை இந்த ஆட்டத்திற்குப் பிறகு தொடங்கியது. வழக்கமான கைகுலுக்கலின் போது அவர் (கோலி) அவரை மீண்டும் தவறாக பயன்படுத்தத் தொடங்கினார். அப்போதுதான் கம்பீர் குறுக்கிட்டு, ஆட்டம் முடிந்து நீங்கள் வெற்றி பெற்ற பிறகு ஏன் மீண்டும் தொடங்குகிறீர்கள் என்று கேள்வி எழுப்பினார். நான் கம்பீரை நகர்த்தினேன், ஆனால், நவீன் உல் ஹக்கை பின்னர் டிரஸ்ஸிங் அறைக்கு வந்து கோலி மீண்டும் துஷ்பிரயோகம் செய்யத் தொடங்கினார் என்று கூறினார்” என்று அமித் மிஸ்ரா கூறினார்.

இருப்பினும், 2024 ஐ.பி.எல் சீசனில் கொல்கத்தா நைட் ரைடர்ஸின் வழிகாட்டியாக இருந்த கம்பீர், ஆண்டின் தொடக்கத்தில் ஆர்.சி.பி-யை எதிர்கொண்டபோது இரு தரப்பினருக்கும் இடையே விஷயங்கள் இணக்கமாக இருந்தன. சமூக ஊடகங்களைப் பொறுத்தவரை, அது அவர்களுக்கு இடையே முடிந்துவிட்டது என்று தோன்றியது. ஆனால், நவீன் உல் ஹக் மீண்டும் கோலியை மதிப்பார் என்று நினைக்கிறீர்களா? ஒரு பெரிய நட்சத்திரம் மற்றவர்களை துஷ்பிரயோகம் செய்யும் சம்பவத்தைப் பார்த்த இளைஞர்களைப் பற்றி என்ன சொல்வது” என்று அமித் மிஸ்ரா கூறினார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“