மகளிர் ஆசிய கோப்பை டி20 கிரிக்கெட் தொடரின் இறுதிப்போட்டி இந்தியா – இலங்கை அணிகள் இடையே ஞாயிற்றுக்கிழமை நடைபெற்றது. இதில் இலங்கை மகளிர் அணி 8 விக்கெட் வித்தியாசத்தில் வெற்று பெற்று ஆசியக் கோப்பையைக் கைப்பற்றியது.
Read In English : India vs Sri Lanka LIVE Score Women’s Asia Cup Final 2024: Mandhana, Shafali to open for IND vs SL
இந்த போட்டியில் டாஸ் வென்ற இந்திய அணி முதலில் பேட்டிங்கை தேர்வு செய்தது. அதன்படி முதலில் களமிறங்கிய இந்திய அணியில், ஷபாலி வர்மா, மந்தனா ஆகியோர் தொடக்க வீராங்கனைகளாக களமிறங்கினர். இதில், நிதானமாக விளையாடிய ஷபாலி, 19 பந்துகளில் 2 பவுண்டரியுடன் 16 ரன்கள் எடுத்து ஆட்டமிழந்தார். அடுத்து வந்த சேத்ரி 9 ரன்களும், ஹர்மான்ப்ரீத் கவுர் 11 ரன்களும் எடுத்து வெளியேறினர்.
ஒரு பக்கம் விக்கெட் சரிந்தாலும் மறுமுனையில் அதிரடியாக விளையாடிய மந்தனா, அரைசதம் கடந்த நிலையில், 47 பந்துகளில் 10 பவுண்ரியுடன் 60 ரன்கள் எடுத்து ஆட்டமிழந்தார். இறுதிக்கட்டத்தில் ரோட்ரியோஸ் 16 பந்துகளில் 3 பவுண்டரி ஒரு சிக்சருடன் 29 ரன்களும், ரிச்சா கோஷ் 14 பந்துகளில் 4 பவுண்டரி 1 சிக்சருடன் 30 ரன்களும் எடுத்து அசத்தினர்.
நிர்ணையிக்கப்பட்ட 20 ஓவர்களில் இந்திய அணி 6 விக்கெட் இழப்பிற்கு, 165 ரன்கள் எடுத்தது. பூஜா வஷ்டாக்கர் 5 ரன்களிலும், ராதா யாதவ் ஒரு ரன்னிலும் ஆட்டமிழக்காமல் களத்தில் இருந்தனர். இலங்கை அணி தரப்பில் தில்ஹரி 2 விக்கெட்டுகளும், நிசன்கலா, அதப்பட்டு, ப்ரபோதனி ஆகியோர் தலா ஒரு விக்கெட்டும் வீழ்த்தினர்.
தொடர்ந்து 166 ரன்கள் வெற்றி இலக்குடன் இலங்கை அணி களமிறங்கியது.
இலங்கை அணியில் தொடக்க ஆட்டக்காரர்களாக விஷ்மி குணரத்ணே, சமாரி அதபத்து பேட்டிங் செய்ய வந்தனர். விஷ்மி குணரத்ணே 2வது ஓவரில் ரன் அவுட் ஆகி வெளியேறினார். அதற்கு அடுத்து வந்த ஹர்ஷிதா சமரவிக்ரமா, சமாரி அதபத்துவுடன் ஜோடி சேர்ந்தார். அதிரடியாக விளையாடிய இந்த ஜோடி, 8வது முறையாக ஆசியக் கோப்பையை வெல்லும் இந்திய மகளிர் அணியின் கணவை தூள் தூளாக்கி விட்டார்கள்.
அதிரடியாக விளையாடிய சமாரி அதப்பத்து அரை சதம் அடித்த பின்னர், 43 பந்துகளில் 61 ரன்கள் எடுத்த நிலையில், தீப்தி சர்மா பந்தில் போல்ட் அவுட் ஆனார். அடுத்து வந்த கவிஷா தில்ஹரி அதிரடி ஆட்டத்தை தொடர்ந்தார். மறுமுனையில் அடித்து ஆடிய ஹர்ஷிதா சமரவிக்ரமாவும் அரைசதம் அடித்தார்.
ஹர்ஷிதா சமரவிக்ரமா - கவிஷா தில்ஹரி ஜோடி இலங்கை அணியை வெற்றியை நோக்கி அழைத்துச் சென்றது. இறுதியில் இலங்கை அணி, 18.4 ஓவர்களில் 2 விக்கெட் இழப்புக்கு 167 ரன்கள் குவித்து 8 விக்கெட் வித்தியாசத்தில் வெற்றி பெற்றது. இதன் மூலம், இலங்கை மகளிர் அணி ஆசியக் கோப்பையைக் கைப்பற்றி சாம்பியன் பட்டம் வென்றது.
ஹர்ஷிதா சமரவிக்ரமா 51 பந்துகளில் 69 ரன்களுடனும் கவிஷா தில்ஹரி 16 பந்துகளில் 30 ரன்களுடனும் கடைசி வரை ஆட்டமிழக்காமல் களத்தில் இருந்தனனர்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/4VE83JQOtsKjHrClCfj1.jpg)