புரோ கபடி: பாட்னா பைரேட்ஸை வீழ்த்தி பெங்களூரு புல்ஸ் வெற்றி; யு மும்பாவை வீழ்தியது தபாங் டெல்லி!

Pro Kabaddi League: 10-வது புரோ கபடி லீக் திருவிழா கடந்த 2ம் தேதி தொடங்கி இந்தியாவில் விறுவிறுப்பாக நடந்து வருகிறது. இந்த தொடரில் பெங்கால் வாரியர்ஸ், பெங்களூரு புல்ஸ், தபாங் டெல்லி, குஜராத் ஜெயன்ட்ஸ், அரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பால்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோத்தாஸ் ஆகிய 12 அணிகள் களமாடி வருகின்றன. 

இந்நிலையில், இந்த புரோ கபடி தொடரில் மும்பையில் இன்று (08.01.2024) நடைபெற்ற முதல் ஆட்டத்தில் பெங்களூரு புல்ஸ் - பாட்னா பைரேட்ஸ் அணிகள் மோதின. விறுவிறுப்பாக நடைபெற்ற இந்த போட்டியில் பெங்களூரு புல்ஸ் அணி 35-33 என்ற புள்ளி கணக்கில் பாட்னா பைரேட்ஸ் அணியை வீழ்த்தி வெற்றி பெற்றது. 

இதைத் தொடர்ந்து, மும்பையில் இன்று (08.01.2024) நடைபெற்ற இரண்டாவது ஆட்டத்தில் யு மும்பா - தபாங் டெல்லி அணிகள் மோதின. விறுவிறுப்பாக நடைபெற்ற இந்த போட்டியில், முதலில் இருந்தே தபாங் டெல்லி அணி ஆதிக்கம் செலுத்தியது. ஆட்ட நேர முடிவில், யு மும்பா அணி 34 புள்ளிகளையும் தபாங் டெல்லி 40 புள்ளிகளையும் பெற்றது. இதன் மூலம், தபாங் டெல்லி அணி 6 புள்ளிகள் கூடுதலாகப் பெற்று யு மும்பா அணியை வீழ்த்தி வெற்றி பெற்றது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“